Mihemed Berkel
Destana kela Dimdimê ,destanek helbestî ye bi şêwe û awayekî şêrîn hatiye rêz û xêzkirin ,malkên xwe li hevhatî ne ,zaraveya ku pê hatiye nivîsîn asan ,zelal ,bijartî û li hevhatî ye ,rêzkirina bûyeran û li peyhevhatina gotinan bi rengekî pir baş û balkêş hatiye xemlandin.
Mamoste Jandost dîrokê bi awayekî helbestî pêşkêşî xwendekarên Kurd dike ,vê berhemê di sala 1988an de çav li jiyanê vekir ,di naverokê de 24 beş hene, ji1785 malikan di 188 rûpelan de hatiye xêzkirin.
Em ê tev herin hewara Mîrxan
Berî ku werin ””””””””””””””””ecem ji Îran
Divê di şer de wek şêr xuya bin
Ser sîngê dijmin bi hêrs peya bin
Gava xwendekar dest bi xwendinê dike ,ew malik û gotinên zelal her diçin girêdana wî bi xwendinê ve bêhtir dikin ,ji ber ku bûyereke bûyereke din dikêşîne û malik malikê li pey xwe tîne ,mirov naxweze dev jê berde ta ku beş bi beş bi dawî bike.
Di dawiya berhemê de nivîskar çend pend û şîretan li gelê kurd dike ka ku rojekê roniyê bide.
Navê pirtûkê: “Kela Dimdimê”
Çap: 5emîn ji weşanên Avestayê ye.
Çend agahî li ser nivîskar:
Li Kobaniyê ji dayik bûye di sala 1965an de ,xwendina xwe li zanîngeha Helebê bi dawî kiriye ,di sala 2000î de li Almanyayê bûye niştecî.
Gelek berhemên wî hene wek (3gav û 3darek ,Mîrname ,Mem û Zîn …td).
