Ji Trabizon heta Semawa …dagîrker ji simbola azadiya Kurdistanê bêzarin

Idrîs Hiso

Ala Kurdistanê li Iraq û li gorî destûr fermî ye û ew Ala fermî ya Herêma Kurdistanê ye, rêpêdan heye ku Ala Kurdsitanê li seranserî Iraqê rêz lê were girtin wek çawa Ala Iraqa Erebî li ser dezgehên fermî li Kurdistanê tê hildan û bi fermî rêz lê tê girtin.
Di vîdoyekê de ku roja 30.07.2019 hatiye belavkirin, efserekî Iraqî Ereb bi pileya mulazim daxwaza ji kesûkarên qurbaniyên Enfalan dixwaze ku ew ala Kurdistanê ku bi histiwê xwe vekirîne rakin û piştre rufatê qurbaniyên xwe wergirin û sivkayetiyê jî bi ala Kurdistanê dike.

Leşker, polîs, karmendên ewlekarî û emnahiyê di hindirê dezgehên rêkxistî têne perwerde kirin, fermande û efser nabin fermande û efser heta ku di çend xuleyên rewşenbîrî û leşkerî neyên perwerde kirin, polîs, leşker û endamê dezgehên ewlekariyê riwê her welatekî ne û di perwerdeya xwe de dişibihin hev.
Rifatarê efser, fermandeyên leşkerî û polîs karvedaneke ji perwerdeya wî, bi vê wateyê divê em nebêjin ev riftarê  kesekî ye û take riftare, ev reftar divê bi kûrayî were li ser westandin û Kurd wê bi hêsanî û maçîkirina simbêlan derbas nekin çinku ev delîlê wê yekê ye ku ev efser bi vî şêweyî hatiye perwerde kirin û ev yek gelekî metirsîdare, bitaybet ku ev riftar di demekê de tê ara ku malbatên Kurd hatine ku rufatê nemirên xwe yên ku li ser destê rêjîm û zihniyeta Bass û bazê Ereban Sedam Husên hatibûn kuştin bi şêweyekî hovane wek karîsetên ku DAIŞê bi serê pêkhateyên Kurdistan û Iraqê ve anîn.
Li Tirabizona Tirkiyê jî êrîş li ser Ala Kurdsitanê hat kirin, dema ku hin geştiyarên Kurd xwestibûn ligel Ala welatê xwe wêneyan bikşînin, ev yek jî encamê îdiyoljî û perwerdeya dweleta Tirkiyê ye ku Kurdan ne wek mirov dibîne û kuştin, talankirin û qirkirina Kurdan wek erkê dewleta Tirk ê neteweyî û olî dide diyarkirin.
Hişmendiya dagîrkeriyê mirovdostanî, hevbeşî di welatekî de nizane, rifatarê efserê Ereb ê Îraqî ku îro ligel kesûkarên qurbaniyên Enfalan (cînosayda Kurdan) hat kirin, wê yekê dide diyar kirin ku rêjîma Iraqê heta niha bi hişmendiya dagîrkeran pêwendiyê û mamelê ligel gelê Kurd û Kurdistanê dike.
Hişmendiya dagîrkeriyê li Iraqê serdeste ne destûr û yasayên Iraqê ku danpêdanê bi Kurdistan wek herêmek fedral û bi Ala wê ya rengîn dike serdeste. Bi taybet dema em dibînin ku rawêjkarên serokê Iraqê li wî efserî guhdardikin, serokê ku bi xwe jî Kurd e.
Di mejiyê wî efsrî de û hişmendî û serê rêberê dezgeha ku ew têde kar dike û perwerde dibe, ew yek digere ku ew dagîrkerên Kurdistanê ne û nabe ku ti simbol û sîmayên serxwebûn û serfiraziya Kurdistana dagîrkirî li welatê wî werin dîtin, û ji ber ku Ala Kurdistanê simbola azadiya Kurdistanê û gelê Kurd û Kurdistanî ye dagîrker ji Tirabzonê heta bi Semawa ji dîtina wê bêzarin.
Gereke ev bûyer ne wek take riftareke were hesabkirin, û lêkolîn li gel wê efserê û berpirsên wî û dezgeha ku ew têde kar dike û perwerde dibe were kirin û cezaya wî were ragihandin.
Bi daxwaza lêborînê ji aliyê parêzgehê Musena û nizanim kî, gereke em neyên xapandin, tevî ku daxwaza lêborînê ji gelê Kurdsitanê pêngavek di rêya durust de ye.

شارك المقال :

Leave a Reply

Your email address will not be published. Required fields are marked *

اقرأ أيضاً ...

Şîlan Doskî

Helbesta Çima! ya Nivîskar Ezîz Xemcivîn wekî pirsgeha xwedî hest û dîmen, di nava wêjeya kurdî de derdikeve. Ew pirsên ku helbest dikare ji xwe bike: “Çima ez hîn jî hebûm?” û “Çima jiyan bi awayekî tê girtin, lê divê ez bimirim?” Helbest wekî tîrêj di deriyê xewnan, hest û…

Ezîz Xemcivîn

 

Kesayetiyeka ko pir gotûbêj li ser çê bûne, pir gotegot wek pencereyekê li ber hemû bahozan vekirî be…

Dixwazim çend gotinan ji bo dîrokê derbarê evê kesayetiya Kurdperwer û hezkerê welatê xwe pêşkêş bikim…
Seydayê Tîrêj ji min re got: „di mirina Xweda ji wî razî be têkoşer Hecî Mihemedê…

Qado Şêrîn

Ji bo kurd bêtir tarûmar, winda û tune nebin, tenê yek rê li pêşiya wan maye, ew jî dewletbûn e. Eger ji aniha û 20-30 salên bên kurd nebin xwedî dewlet, wê winda bibin, wê bêtir rastî hilweşandin û şikestinan bên, wê hêviya dewletbûnê lawaztir bibe, çimkî wê kurdperwer û…

Konê Reş

Wek ku eşkere ye ji şerê Çaldêranê/ 1514 ve, dest bi perçebûna Kurdistanê hatiye kirin.. Di pey Sykes Picotê/ 1916an de, Kurdistan bûye çar perçe.. Ji wê hingê ve Kurdistanî hewil didin ku Kurdistana xwe bikin yek perçe.. Tevî gelek berxwedan, serhildan û xwîn rijandinê.. Tevî banga Şêx Ehmedê…