Idrîs HisoKongir wêstgeha herî girîng û firehe ji bo nirxandina karê her partiyekê, di her kongireyekî de tê pêşbînîkirin ku hin bingeh û rêsayên kar û hin armanc werin guhertin û sazî werin nûkirin an jî zêde kirin li gorî derfet û guhertinên ku têne holê.
Di kongir de her tişt dikeve ber gotûbêj, rexne û helsengandinê û di encam de pêwîste hevalên ku zor kar kirine û kadirên pêşketî û dilsoz bêhtir pêşvebiçin û erk û berpirsiyaretiyên bêhtir li xwe bigirin an jî were spartin bo wan li gorî armanc û pilanên kar.
Lê rewşa tevgera Kurdî li Rojavayê Kurdistanê ne wisa ye, her carekê partiyek dixwaze kongireyê xwe li darbixe, wê beşek ji hevalan cuda bibin û partiyek nû damezirînin, an jî wê tiştekî berbiçav di partiyê de nayê guhertin, ji xwe nexweşiyek din jî heye û berbiçav e, hin partî kongireya xwe bi salan paşvedixin bi behaneyên pênebawer.
Zêdebarî vê yekê jî wê di daxuyaniyên bidawîbûna kongireyên xwe de- ji xwe daxuyanî tenê bi zimanê Erebî ye- binvîsin, “piştî rêxistinên partiya me li her yek li Ewropa, Keneda, Amerîka û Herêma Kurdistanê bi serkeftî û şêweyekî demokratîk konfirasên xwe encam dan û nûnerên xwe bo kongir destnîşan kirin, kongir bi serkeftî hate encam dan û bi dengê hemû hevalan sekreterê me yê berê ma sekretêr….hd”
Mirov heger nizanibe wê bêje hevalên van partiyan li Ewropa, Amerîka, Keneda û Herêma Kurdistanê û welatên dirawsê gihane cihê biryarê û êdî wan xwe gihandine odeyên stendina û dana biryarên wan welatan….!
Bi vî şêweyî kongir bidawî dibe û her kes vedigere mala xwe, û gelek caran jî di dawiya her kongireyekî de wê hejmarek endamên partiyê ku xwedî şiyan in û daxwaza guhertin û nûbûnê dikin dûrî kar bikevin, an jî wê bi hokarên bê bingeh ji kar werin dûrxistin an jî wê hemû şêweyê paşguhkirina daxwazên wan werin bikaranîn ji bo ku fişar li wan were û ew xwe bi xwe, xwe ji rêxistina partiyê dûrbixin, piştî ku bêhêvîdibin û basikên wan bi hemû şêweyî werin şikandin.
Piştî kongir êdî nema girînge çi kar dibe, çi xebat dibe, çi plan heye ji bo avakirina kadirên nû ku karibin bi hemû karan rabin ji bo gihştin bi armancên ku ji bo wan xwedê giravî ew partî hatiye avakirin rabin, ji ber a girîng di kongir de sekretêr bimîne sekretêr û çend kesên qezenc wergirtî di cihên xwe de bimînin, û heger egera peydabûna guhertinek rijd peydabû dê helbet pirsgirêkek derkeve û dibe ew partî bibe du partî an jî çend kesekî xwedan bîr û baweriyên cuda li mala xwe rûnên.
Ez dixwazim ji endamên her kongireyî çend pirsan bikim, gelo we ji xwe pirsiye çima saziyên partiyên we nînin, an jî heger bi nav hebin aya çalakin? Heger ev partî nikarin bi şêweyekî ji şêweyan bibin yek çima nikarin hin saziyên girêdayî berjewendiyên bilin ên gel avabikin? Partiya hûn tê de ne çi pilan heye ji bo perwedeyê? Ji bo parastin û pêşxistina zimanê Kurdî? Çi pilan heye jibo tendurûstî, çandin, bazirganî, abûrî û ..hd?
Bi boçûna min, kongir an jî em dikarin bêjin kongireyên bêhtirên partiyên Rojavayê Kursdistanê bi tenê ji bo nûkirina sekretêriyê ye ji bo sekretêr û mana çend kesan di cihên xwe de ku berjewendiyên wan bi vî awayî pêktên.
Gewîlan 23.05.2019
Malpera Kurdistan24 28.05.2019
Zêdebarî vê yekê jî wê di daxuyaniyên bidawîbûna kongireyên xwe de- ji xwe daxuyanî tenê bi zimanê Erebî ye- binvîsin, “piştî rêxistinên partiya me li her yek li Ewropa, Keneda, Amerîka û Herêma Kurdistanê bi serkeftî û şêweyekî demokratîk konfirasên xwe encam dan û nûnerên xwe bo kongir destnîşan kirin, kongir bi serkeftî hate encam dan û bi dengê hemû hevalan sekreterê me yê berê ma sekretêr….hd”
Mirov heger nizanibe wê bêje hevalên van partiyan li Ewropa, Amerîka, Keneda û Herêma Kurdistanê û welatên dirawsê gihane cihê biryarê û êdî wan xwe gihandine odeyên stendina û dana biryarên wan welatan….!
Bi vî şêweyî kongir bidawî dibe û her kes vedigere mala xwe, û gelek caran jî di dawiya her kongireyekî de wê hejmarek endamên partiyê ku xwedî şiyan in û daxwaza guhertin û nûbûnê dikin dûrî kar bikevin, an jî wê bi hokarên bê bingeh ji kar werin dûrxistin an jî wê hemû şêweyê paşguhkirina daxwazên wan werin bikaranîn ji bo ku fişar li wan were û ew xwe bi xwe, xwe ji rêxistina partiyê dûrbixin, piştî ku bêhêvîdibin û basikên wan bi hemû şêweyî werin şikandin.
Piştî kongir êdî nema girînge çi kar dibe, çi xebat dibe, çi plan heye ji bo avakirina kadirên nû ku karibin bi hemû karan rabin ji bo gihştin bi armancên ku ji bo wan xwedê giravî ew partî hatiye avakirin rabin, ji ber a girîng di kongir de sekretêr bimîne sekretêr û çend kesên qezenc wergirtî di cihên xwe de bimînin, û heger egera peydabûna guhertinek rijd peydabû dê helbet pirsgirêkek derkeve û dibe ew partî bibe du partî an jî çend kesekî xwedan bîr û baweriyên cuda li mala xwe rûnên.
Ez dixwazim ji endamên her kongireyî çend pirsan bikim, gelo we ji xwe pirsiye çima saziyên partiyên we nînin, an jî heger bi nav hebin aya çalakin? Heger ev partî nikarin bi şêweyekî ji şêweyan bibin yek çima nikarin hin saziyên girêdayî berjewendiyên bilin ên gel avabikin? Partiya hûn tê de ne çi pilan heye ji bo perwedeyê? Ji bo parastin û pêşxistina zimanê Kurdî? Çi pilan heye jibo tendurûstî, çandin, bazirganî, abûrî û ..hd?
Bi boçûna min, kongir an jî em dikarin bêjin kongireyên bêhtirên partiyên Rojavayê Kursdistanê bi tenê ji bo nûkirina sekretêriyê ye ji bo sekretêr û mana çend kesan di cihên xwe de ku berjewendiyên wan bi vî awayî pêktên.
Gewîlan 23.05.2019
Malpera Kurdistan24 28.05.2019
