Ji Çîqên Cawên rengareng û ji hezkirina Mirovayetiyê û ji bo bişkivîna Bişkojên Ken li ser Lêvên Zarokên Penaber, Kurdan Codelîk dirûtin..

Ji bo Kultûra Kurdan li nav Elman û Biyaniyan diyar bikin û ji bo alîkariya Zarokên Penaberan bikin, Grûpa Deutsch-Kurdischen Heimatgruppe ya bi ser Fermanberiya Biyanî û Koçberan ve (Kreis Schleswig-Flensburg) li Bajarê Schleswig bi destpêka Çileyê pêşî re evro bi Çalakiya dirûtina  Palgî û Lihêfan (Codelîk) ji bo Zarokên Penaberan rabûne.
Evro navê Kurdan li ser Zimanê Elman û Penaberan jî bi dilêrî, zîrekî û jêhatîbûnê hatiye xuyakirin..

Wek tê zanîn Kurd li kû û li çi cihî bin, aktîv û kartêker in, dikarin bi rola xwe li nav Miletên din rabin û Nameya Miletê xwe ya aştiyê bigehînin.
Amanc ji evê Çalakiyê ne tenê alîkariya Penaberan e, lê belê navtêdaneke ko em li Welatê xwe jî wisa bi evan Karan rabin, û alîkariya kesên pêdiviya wan bi alîkariyê heye bikin.

Li vir bi serbilindî dibêjim Jin û Mêr yên Grûpê xebateke balkêş kirine ko bêtir ji 40 Lihêf û her wisa Palgî jî dirûtine û diyarî Zarokên Penaberan kirine.
Berê jî evê Girûpê bi çalakiyin din jî rabûne wek ya Nanpêjiyê û li wir cûreyên Nanê kurdî û beşek ji Kultûra Kurdan li evî bajarî diyar kirine.
Hevalên hêja yên Grûpa Deutsch-Kurdischen Heimatgruppe jidil spasiya we dikim û bi hêvî me herdem Karên wisa hêja digel hev em bikin û serkeftinê ji we re dixwazim..
Spasiya hemû Dost û Hevalên ko alîkariya me di serkeftina Karê me de kirine dikim..
Digel Rêz û Silavan
1.12.2017
Şîlan Doskî
Kreis Schleswig-Flensburg Ausländerrecht
Flensburger Straße 7
24837 Schleswig
Frau Shilan Doski
Asylsozialberatung
Telefon:
04621 87-472
Fax:
04621 87-626
E-Mail:
shilan.doski@schleswig-flensburg.de
Raum:
U1b