Nameyek ji Silêman Azer re

Şepal Hêvo
 
Zarokên ku di nivîsên me
de pêrgî hev tên ew tovên êşê ne, min û te bi yek dilî ew xewn hembêz
kirin.Dergehê mala we dergehê mala min 
bû,û hîn jî ew dergeh di buhurên bîranên min de vekirî weke dilê te dimîne.Tê
gotin ku bi tenê Evîndar nameyan ji hev re dinivîsînin, lê ez ê li vir hemî
baweriyan derbas bikim, ez ê te di xaçerêkên vê nivîsê de bilêv bikim.
Wa Silo? Welatê ku
nikaribe min û te hembêz bike ew welat bi me nakeve.Balgihê ku têra xewna min û
te neke bêguman em ê timî di taya veciniqandinê de bimînin. Ez û tu bi behaneya
nivîsandinê li hev terpilîn, nivîsandina tiştên xweşik,yên nazik, yên bedew.. û
em ê di ritima vê bablîsokê de gellek kêferatan jî bidoşin.
 Wa Silo? Di refikên  pirtûkxaneyan de  mil bi mil pirtûkên me govenda Helbestê dihejînin. Tu dibînî? Çendîn tabloya min û te berfireh e, bêsînor e dikele û ji kelçûna wê gellek dîmenên germ difûrin. Tu dibînî? Em  bêtir nêzîkî hev dibin, nêzîkî pêsîra mebestê dibin.
Wa Silo? Zarok ji şîr vedibe, lê nivîsandina nameya te ji mêtina rastiyê venabe. Gelo em ê delaliyê xwe li kê bikin? Hevaltî dayika duyemîn e  û ez û tu  zarokên wê ne, çendîn simbêlên me boq bibin jî em ê zarokên wê yên delalî bimînin.Hevaltiya min û te westanê nas nake dibeze, pîr dibe lê namire.
Wa Silo? Bila ev nivîs bibe Tikeya  evîndaran ,bibe rawestgeha penaberan û hemî perîşanên mîna  min û te, yên ku her şev mistek girî li şopa xwe dihêlin. Tu dibînî? Tu dibhîzî? Malneketo em ji çavkaniya çend êşan der dibin?
Wa Silo? Cejna hevaltiya min û te pîroz be.

شارك المقال :

Leave a Reply

Your email address will not be published. Required fields are marked *

اقرأ أيضاً ...

Salih Cefer



Qedexebûna zimanê kurdî bi salên dirêj bû sedema paşketina hemû cûreyên wêjeya kurdî û bi taybetî jî ya zaravayê kurmancî.
Tevî ku di van salên dawî de li gelek alîyên Kurdistnê rewşa wêjeya kurdî (kurmancî) bi pêşve çûye jî, lê hîn pêwîstîya bi pêşveçûnên bêtir heye.
Kanîyên pêveçûnê pirin, yek ji wan…

Ebdûlazîz Qasim

 

Ji demê hatina Ehmed El-Şerih li ser desthilata Sûriyê, piştî hilweşîna rejîma Esed di 8ê çileya sala borî de û heta îro, bi carekî rewş û rastiya Sûriyê ya civakî, cugrafî, siyasî, etnîkî û olî tê paşguh xistin, bi taybetî hebûna gelê Kurd bi carekî tê paşguh xistin, her bigire…

Amadekirin û kurmacîkirina tekstên stiranan: Ednan Bedreddin

 

Mezher Xaliqî yek ji navdartirîn hunermendn kurd ên sedsala bîstan e. Ew di sala 1938 an de weke zarokê malbateka kurd a oldar li Sune (Sanandaj) hatiye jiyanê. Behremndiya Xaliqî di warên goranîgotin û werzişê de ji salên dibistana seretayî ve derketine pêş. Her di…

Ebdûlazîz Qasim

Di dîroka navçeyê de, hîç erdnîgariyek bi navê Tirkiyê nîne, û deweta Tirkiya li ser sextkariya dîrokê û talankirin, qirkirina Kurd, Ermen û Yonaniyan û herwiha li ser dagîrkirina beşeke mezin ji xaka kurdistan, Yonanîstan, Qubirstan û Ermenistanê hatiye avakirin.

Projeyên Tirkan her ji destpêka xwe ve û heta…