Fîlê Emerîkî bi ser ket tirs bi Hirçê Rûsî ket!

Lazgîn dêrûnî
 
Wek ku em dizanin du partiyên sereke di Emrîka de hene ,yek partiya
demoqratîk û ya din partiya cimhûrî,ev herdû partiyên han hevberkiyek dijwar di
navbera wan de ji bo desthilatê heya û şensê wan ne dûrî heve di vê derbarê de
,carna Demoqratîk bi serdikevin û carna Cimhûrî bi serdikevin ,lê cudahiyek
xuyayî di navbera herdû partiyan de heye di siyaseta jiderve de ,dibêjin
partiya Pemoqratîk ya Kevokan (aştiyane) û dibêjin partiya Cimhûrî ya Bazan
(cengane) .
 Piştî cenga cîhanî ya duyemîn du hevbendî yên sereke pêkhatin yek hevbendiya Nato bi seroktiya Emerîka ya din hevbendiya Warso bi serokatiya yekîtiya Sovyetî û herdû hevbendî ketine hevberkiyekê de jêre digotin Cenga sar ,wê Cengê berdewam kir heta sala 1985 an dema serokatiya Ronald Rêgin yê ji aliyê partiya Cimhûrî ve ku pesteke mezin li hevbendiya Warso kir û bi teybetî li yekîtiya Sovyetî di dema Gorbatşof de û ew  di sala 1991 an de het  ruxand û rola wê lawazkir di Cîhanê de û cenga sar bi dawî bû ku Emerîka bû hêz û aliyê yekemîn di Cîhanê de,vê yekê gelek pirsgirêk di Cîhanê de guhertin û bi teybetî di Rojhilata navîn de,yek ji wan derxistina Sedam ji Kweytê di dema Corc Boş yê bav de û dorpêçkirina Rijîma basî lê piştî ku Bîl Klînton yê demoqratîk hat dîsa sistayî di vê derbarê de kir heta dema Corc Boş yê kur yê Cimhûrî hat û biryara ruxandina rijîma Sedam da û ew ji kokê birî bê ku Rûsya karibe li hember rawestê ,û pirojeya  Rojhilata Navîn ya nû danî ,lê mixabin piştî ku dîsa partiya Demuqratîk bi ser ket û Barak Obama bû serokê Emerîka disa sistayî kete siyaseta Emerîka ya jiderve de û hêza xwe ji Îraqê vekişand û destê El Qaîde lê berda .
Piştî bihara Erebî dest pêkir Emerîka bi rola xwe wek dewletek bi hêz ne rabû ji vê yekê hin bi hin Rûsya rola xwe xurt kir û bi teybetî di nava Sûrî de û bû weke dagîrker û bi top û firokê xwe gelê Sûrî dikuje ev bû şeş salê temam, bê ku Emerîka kari be li hemberî wê rawestê, ew Emerîka ku hêza yekemîn di Cîhanê de çawa îro nikariye biryareke xurt û hişk di derbara  rijîmeke wek ya Sûrî de bistî ne.
Îro piştî ku dîsa partiya Cimhûrî bi serket û Tiramp bû serokê Emerîka tirs bi Rûsya ket û wê sed hesabî bike û wê gelek heseb û pirsgirêk werin guhertin bi teybetî di Rojhilata Navîn û Sûrya û Îraqê û gelek dewletên din de wek Îran û Tikî û hin dewletên Erebî yên ku piştgirtiya gurûpên terorîst dikin .
 
10.11.2016 Swîsra
 

شارك المقال :

Leave a Reply

Your email address will not be published. Required fields are marked *

اقرأ أيضاً ...

Salih Cefer



Qedexebûna zimanê kurdî bi salên dirêj bû sedema paşketina hemû cûreyên wêjeya kurdî û bi taybetî jî ya zaravayê kurmancî.
Tevî ku di van salên dawî de li gelek alîyên Kurdistnê rewşa wêjeya kurdî (kurmancî) bi pêşve çûye jî, lê hîn pêwîstîya bi pêşveçûnên bêtir heye.
Kanîyên pêveçûnê pirin, yek ji wan…

Ebdûlazîz Qasim

 

Ji demê hatina Ehmed El-Şerih li ser desthilata Sûriyê, piştî hilweşîna rejîma Esed di 8ê çileya sala borî de û heta îro, bi carekî rewş û rastiya Sûriyê ya civakî, cugrafî, siyasî, etnîkî û olî tê paşguh xistin, bi taybetî hebûna gelê Kurd bi carekî tê paşguh xistin, her bigire…

Amadekirin û kurmacîkirina tekstên stiranan: Ednan Bedreddin

 

Mezher Xaliqî yek ji navdartirîn hunermendn kurd ên sedsala bîstan e. Ew di sala 1938 an de weke zarokê malbateka kurd a oldar li Sune (Sanandaj) hatiye jiyanê. Behremndiya Xaliqî di warên goranîgotin û werzişê de ji salên dibistana seretayî ve derketine pêş. Her di…

Ebdûlazîz Qasim

Di dîroka navçeyê de, hîç erdnîgariyek bi navê Tirkiyê nîne, û deweta Tirkiya li ser sextkariya dîrokê û talankirin, qirkirina Kurd, Ermen û Yonaniyan û herwiha li ser dagîrkirina beşeke mezin ji xaka kurdistan, Yonanîstan, Qubirstan û Ermenistanê hatiye avakirin.

Projeyên Tirkan her ji destpêka xwe ve û heta…