Newroz Da û Çû…*

Besam Mistefa
“Yadîgariya Silêman Adî “

Xort bû
Şermende bû
Nezan bû
Zane bû
Bi dil bû
Bê war û cil bû
Xwedî bar û kar û …

Kurd bû !
Nebêjin em wî nas nakin ….
Ew ê ku zarokekî çav şil bû
Ji Xweda û hem ji pelîdan jî sil bû !
Nebêjin em wî nas nakin
Ew ê ku bi jan û dil bû !…
               *
Nebêjin em wî nas nakin
Ew ê ku her sal –ji sala mêjîkor ve –
Li ser dengê çivîk û tilûran
Ji xew hişyar dibe ….
Têt û cejna we pîroz dike
Toza ku her sal li cihwarê êşê li ba dibe ,
Ji we dûr dixe
Kevirên ku her sal li eniya xweşiya we dikevin
Par par dike …..û mîna goyînekî –lê ji kêfa –
Zar zar dike
Nebêjin em wî nas nakin
Ewê ku her Avdar ji xew hişyar dibe
Têt û cejna we pîroz dike û …
Dîsa radize
Na …nebêjin em wî nas nakin !
               *
Wî tiştek ji tiştekî dernedixist !
Nizanibû du gotinan li ser hev bibêje !
Di wê roja kezîşor de –
Dît ku ””””alem li kolanê li hev kom bûye
Qerebalix û hawar bi serê ketiye
Dunya û ””””alem bi hev ketiye ……
Dema çavên wî ji dûr ve
Bi hevalên wî ketin
Tiştek hate bîra wî û
…Ew jî çû wir !
               *
Li wir çîrok tev nas kir !
               *
Zikreş û çavsoran jî çîrok dizanîbûn
Dizanîbûn ku …..ew ……Kurd e !
               *
Xort bû navê wî Silêman bû
Ti hudhud û Belqîs pêrgî wî nehatin wê rojê …
Gulle û hûravêjan ew hembêz kirin ….wê rojê !
               *
Her sal ji nav wê xwînê
Ji nav wê gola sor
Radibe
Mînanî sîmirekî ji nav wê axa kor
Di pengize
Ji nav wê gola sor
Ji nav toz û xweliya mor
Bi per û bask dibe
Her sal
Ji bo roja nû
Ji bo sal û cejna nû
Ew radibe
Ji xew hişyar dibe ….
               *
Ji êşê pêve tutişt wenda nekir –
Ji rûmetê pêve tutişt qezenc nekir !
Wekû Kurdekî jiya û mir …..û …..
Ji vê mestir
Keskî nekir !
               *
Na na wî tiştek nekir
Newroz da û çû
Ji vê pêve
Wî tiştek ne kir !
               *
Kurd bû Silêman û
Xwe ne Kurd nekir !!…
   9-2-2006

 Kurdistan.

*Ev helbest Newroza par de hate belavkirinê, ez dîsa wê belav dikim, û pêşkêşî giyanê şehîdê Newrozê yê herdemî, ku sal bi sal, mîna sîmiran sax û zindî dibe:Silêman Adî, dikim.(B.Mistefa)

شارك المقال :

Leave a Reply

Your email address will not be published. Required fields are marked *

اقرأ أيضاً ...

Salih Cefer



Qedexebûna zimanê kurdî bi salên dirêj bû sedema paşketina hemû cûreyên wêjeya kurdî û bi taybetî jî ya zaravayê kurmancî.
Tevî ku di van salên dawî de li gelek alîyên Kurdistnê rewşa wêjeya kurdî (kurmancî) bi pêşve çûye jî, lê hîn pêwîstîya bi pêşveçûnên bêtir heye.
Kanîyên pêveçûnê pirin, yek ji wan…

Ebdûlazîz Qasim

 

Ji demê hatina Ehmed El-Şerih li ser desthilata Sûriyê, piştî hilweşîna rejîma Esed di 8ê çileya sala borî de û heta îro, bi carekî rewş û rastiya Sûriyê ya civakî, cugrafî, siyasî, etnîkî û olî tê paşguh xistin, bi taybetî hebûna gelê Kurd bi carekî tê paşguh xistin, her bigire…

Amadekirin û kurmacîkirina tekstên stiranan: Ednan Bedreddin

 

Mezher Xaliqî yek ji navdartirîn hunermendn kurd ên sedsala bîstan e. Ew di sala 1938 an de weke zarokê malbateka kurd a oldar li Sune (Sanandaj) hatiye jiyanê. Behremndiya Xaliqî di warên goranîgotin û werzişê de ji salên dibistana seretayî ve derketine pêş. Her di…

Ebdûlazîz Qasim

Di dîroka navçeyê de, hîç erdnîgariyek bi navê Tirkiyê nîne, û deweta Tirkiya li ser sextkariya dîrokê û talankirin, qirkirina Kurd, Ermen û Yonaniyan û herwiha li ser dagîrkirina beşeke mezin ji xaka kurdistan, Yonanîstan, Qubirstan û Ermenistanê hatiye avakirin.

Projeyên Tirkan her ji destpêka xwe ve û heta…