Nizar Yosif
Ez bê çare me
Derya kûre
Kinar winda
Derya kûre
Kinar winda
Rû ji Tavê
Sêwana xwe li jor rada
Ji nişkave
Bi xweziyên birçî veda
Rewşena wê
Bi ser de barî
Nem li tîbûnê weşiya
Bê zar ziman
Rawestiya
Hûnik ba yê wê
Nermî li min da
Tora Buharî
Bi min ve aland
Sêncek şitil û lem
Li dora min veda
Paşhest tejî bîn
Hest pêy di çêjin
Çav di nûşin
Bengî girêdan
Şemaliye
Hisna ewê
Lewendiye telesm da
Hevrîşmê dêm û gerdenê
Bi seyr hiştim
Di hizreta wê de ez mam
Ji meremên dildariyê
Bi şeydayî hatim rêsan
Ji zû ve
Li bendî vê sûdê bîm
Wê bi xwesteka min veda
Tîrêjên dilê min girtin
Bi hîviyên dilê xwe ve pêçan
Herdû dil baskan hilandin
Danîn warek nerm û tena
Stêr di jenin
Perî di xwînin
Di çeperê de
Geşt û sema.
Hisna ewê
Lewendiye telesm da
Hevrîşmê dêm û gerdenê
Bi seyr hiştim
Di hizreta wê de ez mam
Ji meremên dildariyê
Bi şeydayî hatim rêsan
Ji zû ve
Li bendî vê sûdê bîm
Wê bi xwesteka min veda
Tîrêjên dilê min girtin
Bi hîviyên dilê xwe ve pêçan
Herdû dil baskan hilandin
Danîn warek nerm û tena
Stêr di jenin
Perî di xwînin
Di çeperê de
Geşt û sema.
12.09.15
