Welat bihuşta mine

Mihemedê Seyid Husên

    Welato: piştî ku yezdanê gewre, bê hempa û yekpare fermana roja paşdawî da ye, hinga pêşmerge li bin sîtava daristanê, li ber himêza çiyan li hev civiyane, bi hev re şêwra yekrêziyê kirine, eniya xwe bi lat û zinarên welat xurandine, da ku tovê omîdan bi xaka welat ya pîtdan bispêrin.

*  *  *
    Welato: ji destpêka toşê ve, min evsaneya welatê xwe di çar pişkan de bi hûrbînî xwendiye, ji berbanga dîrokê ve, Zeradeştê pêxember sirûda nasnameyê, ji navkutka xwerista pirdan û comerd, ji reng, deng û dîmenên çaklewedî zimanê dayikê afirandiye, li ber kêla nemirên nependî, ayetên Zendavesta bo bêzaran kirine bazbend, ji sinc û dirûdên firiştiyane, xampera pêwanê bihuştê, li ser tabloya paraztî, navê Kurdistanê tomar kiriye.
*  *  *
    Welato: li ser lêvên te mame stiraneke xemgîn, bûme kilçîvê herdû çavên hêsirdayî, bûme keziyeke veçirî li ser milê periyan berdayî, xum-xuma cobaran li nêv bax û zeviyan, li êmîşên dehlên te yên çêjer û gezogirtî, bûme mêvanekî xerîdar, bûme xaleke xawer li jora tîpên navê te, bûme peyrewiyekî xwedawendane li ber mêrava te, salixekî şeyda li ser nûçeyên gerokekî eware, li dûv leylana te bûme gaziyeke dengirtî li benda hawara te.
*  *  *
    Welato: çelengiya etlesa te kirime dîlê evînê, biskeke şîlove li ser hinarkên rûyê te kirime evîndarê heyvê, bûme telpeke qetran li ser eniya mirovaniyê, bûme pirsgirêkeke aloz di gewriya dagîrkeran de, bûme razeke evra herdem kaniyên terorîzmê ziwa dikî.
*  *  *
    Welato: Kula mine ku zanibim tê bi kîjan zimanî nefretê bidî bextê minî likumî, tê bi kîjan zaravî jana bêdengiyê derman bikî, min li ser eniya xwe çiraxa evsaneyan daniye, warê te yê bihuştiyane li ser kolînka tarîewran terz û nimûş kiriye, li ser zendên xwe dîroka perçebûnê bi xîmava bextreşiyê daxkiriye, tenha ji bo ku razên yezdanê xwetenparêz, ji hemî zindîwarên gerdûnê yên bej û avî re eşkere û bi têrutese rave bikî.

Komara Çîk…3-2-2015

شارك المقال :

Leave a Reply

Your email address will not be published. Required fields are marked *

اقرأ أيضاً ...

Salih Cefer



Qedexebûna zimanê kurdî bi salên dirêj bû sedema paşketina hemû cûreyên wêjeya kurdî û bi taybetî jî ya zaravayê kurmancî.
Tevî ku di van salên dawî de li gelek alîyên Kurdistnê rewşa wêjeya kurdî (kurmancî) bi pêşve çûye jî, lê hîn pêwîstîya bi pêşveçûnên bêtir heye.
Kanîyên pêveçûnê pirin, yek ji wan…

Ebdûlazîz Qasim

 

Ji demê hatina Ehmed El-Şerih li ser desthilata Sûriyê, piştî hilweşîna rejîma Esed di 8ê çileya sala borî de û heta îro, bi carekî rewş û rastiya Sûriyê ya civakî, cugrafî, siyasî, etnîkî û olî tê paşguh xistin, bi taybetî hebûna gelê Kurd bi carekî tê paşguh xistin, her bigire…

Amadekirin û kurmacîkirina tekstên stiranan: Ednan Bedreddin

 

Mezher Xaliqî yek ji navdartirîn hunermendn kurd ên sedsala bîstan e. Ew di sala 1938 an de weke zarokê malbateka kurd a oldar li Sune (Sanandaj) hatiye jiyanê. Behremndiya Xaliqî di warên goranîgotin û werzişê de ji salên dibistana seretayî ve derketine pêş. Her di…

Ebdûlazîz Qasim

Di dîroka navçeyê de, hîç erdnîgariyek bi navê Tirkiyê nîne, û deweta Tirkiya li ser sextkariya dîrokê û talankirin, qirkirina Kurd, Ermen û Yonaniyan û herwiha li ser dagîrkirina beşeke mezin ji xaka kurdistan, Yonanîstan, Qubirstan û Ermenistanê hatiye avakirin.

Projeyên Tirkan her ji destpêka xwe ve û heta…