Yekîtiya Kurdan Rizgarkirina Kurdistanê ye.

Merwan Berekat


Dema ala yekîtiya Kurdan bilind dibe, hemû dagîkerên Kurdistanê, xêrnexwezên gelê Kurd û keyzebazên Kurd çavsor û bê tebat dibin. Ew bi hemû rêbaz, pilan û pîlanan hewil dikin, ku ew yekîtî bi serî nebe û encamê nede, ji ber ku berjewendiyên wan serûbinî hev dibin, û wek nas e, Kurd miletekî  xwedî dîrok, şaristanî, mirovperwer û dîmoras e, ango dema bibe dewlet di herêmê de rewşeke nû tê peydakirin, ew jî jiyana demoqrasî, wekhevî û miletperweriyê ye, ji ber wê jî hemû rêjîmên zordar û dijî demoqrasiyê li pêş yekîtî û rizgarkirina Kurdan disekinin.
Di baweriya me de, keysebazên Kurd, ên ku dijîtiya yekîtiya gelê Kurd dikin, rola wan di paşxstina serkeftin û rizgarkirina kurdan de, ne kêmtirî  ya dijminan heye.     
Lê.. li aliyê din, dema tevgera Kurdan gavine yekrêzî û yekîtiyê davêje, li seranserî xaknîgariya Kurdistanê, û serûberê cîhanê gelê Kurd radibe ser pêyan û wê yekîtiyê pîroz dike. Ji ber ku bi sedê salan e, ew hêvî û armanca her Kurdekî ye, lê mixabin ew hêvî û armanc hertim di tûrikê tevgera siyasî de dîl mabûn. Lê wek xuyaye çarîka yekê ji sedsala bîst û yekê serdema jidayîkbûna rasteqîn a yekîtiya kurdan e. Belê.. dema îro hêzên Pêşmergeyên başûrê Kurdistanê di riya bakurê Kurdistanê re derbasî  Rojavayê Kurdistanê dibin, ji bo digel hêza Y.P.G bervaniya Kobanê bikin ,ew bixwe encama yekîtiya kurdan e, bêguman ev gaveke zor pîroz e.
Dema hêzên Kurdan çi yên siyasî  û çi jî, yên leşgerî û nemaze Pêşmerge û Y.P.G di yekeniyê de bervaniya Kurdistanê bikin wek çawa îro li Kobaniyê û berî wê jî li Şengalê, ew bixwe geweretirîn serkeftin  û ykîtiya gelê Kurd e.  

شارك المقال :

Leave a Reply

Your email address will not be published. Required fields are marked *

اقرأ أيضاً ...

Salih Cefer



Qedexebûna zimanê kurdî bi salên dirêj bû sedema paşketina hemû cûreyên wêjeya kurdî û bi taybetî jî ya zaravayê kurmancî.
Tevî ku di van salên dawî de li gelek alîyên Kurdistnê rewşa wêjeya kurdî (kurmancî) bi pêşve çûye jî, lê hîn pêwîstîya bi pêşveçûnên bêtir heye.
Kanîyên pêveçûnê pirin, yek ji wan…

Ebdûlazîz Qasim

 

Ji demê hatina Ehmed El-Şerih li ser desthilata Sûriyê, piştî hilweşîna rejîma Esed di 8ê çileya sala borî de û heta îro, bi carekî rewş û rastiya Sûriyê ya civakî, cugrafî, siyasî, etnîkî û olî tê paşguh xistin, bi taybetî hebûna gelê Kurd bi carekî tê paşguh xistin, her bigire…

Amadekirin û kurmacîkirina tekstên stiranan: Ednan Bedreddin

 

Mezher Xaliqî yek ji navdartirîn hunermendn kurd ên sedsala bîstan e. Ew di sala 1938 an de weke zarokê malbateka kurd a oldar li Sune (Sanandaj) hatiye jiyanê. Behremndiya Xaliqî di warên goranîgotin û werzişê de ji salên dibistana seretayî ve derketine pêş. Her di…

Ebdûlazîz Qasim

Di dîroka navçeyê de, hîç erdnîgariyek bi navê Tirkiyê nîne, û deweta Tirkiya li ser sextkariya dîrokê û talankirin, qirkirina Kurd, Ermen û Yonaniyan û herwiha li ser dagîrkirina beşeke mezin ji xaka kurdistan, Yonanîstan, Qubirstan û Ermenistanê hatiye avakirin.

Projeyên Tirkan her ji destpêka xwe ve û heta…