Qedrî Can û Pêşgotina Dîwana Seydayê Cegerxwîn (Ji helbestvanê kurd Edîb Çelkî re diyarî)

Konê Reş

Berî pêlekê bi helkeftina 63 saliya koçkirina Mîr Celadet Bedrxan, min ronahî berda dor pêşgotina ku mîr Celadet Bedrxan ji dîwana Cegerxwîn a yekemîn (Pirîsk û Pêt), re nivîsandiye. Hingê helbestvanê hêja Edib Çelkî li min vegerand û got: Rehmetiyê Qedrî Can pêşgotin ji vê dîwana Cegerxwîn re nivîsandiye.. Hingî ez mam heyirî, ji ber ev pêşgotin ji çapên nû yên vê dîwana seyda hatiye hilanîn û wiha ez li dîwana Seydayê Cegexwîn a orjînal geriyam, ta ku îro bi ser vebûm.
Min dît ku kekê min Edib Chalki rast dibêje. Pêşgotina sereke a vê dîwana seydayê Cegerxwîn Mîr Celadet Alî Bedirxan nivîsandiye û di rûpelê di pey re, di bin vê maşetê de Qedrî Can jî ev çend gotin nivîsandiye. fermo wek ku hatiye nivîsandin bixwînin:

CEGERXWÎN Û DÎWANA WÎ  
Ji mêj ve, dîwana Cezerî û Mem û Zîna seydayê Xanî, ji meydanê kêm bû bûn. Heweskarên şeîr û edebeiyata kurmancî li wan digeriyan û bi dest wan ne diketin. Vê car me dî, ji nişkave, dîwana Cegerxwîn bi çapeke pir qenc kete meydanê. Ez bawer dikim ko dîwana Cegerxwîn dewsa ku Mem û Zîn û dîwana Cezerî vala hiştine ewê tije bike. Xwendevanên delal, ewê tê de ziman û rûhê cenabê Xanî ê xurt û nezma dîwana Cezerî a ahengdar bibînin.
Cegerxwîn, pirsên biyanî jê pir ne xistine nav şihrên xwe, bi zimaneke sade û selis nivîsîne.
Qîmeta şehrên wî a mezin jî ev e, bi rûhekî nû ajotiye ser fikrên kevnare û bi zimanekî şêrîn û şe`bî tewş bûn û zerera wan nîşan kiriye.
Ez ji şairê me î şe`bî re pêşveçûn û ji dîwana wî re jî rewaceke baş hêvî dikim.

QEDRÎ CAN
Şam, 18.2.1945  

شارك المقال :

Leave a Reply

Your email address will not be published. Required fields are marked *

اقرأ أيضاً ...

Ji nivîsîna Tengezar Marînî

1.

Nivîskara Kurdistanî, Suzan Samancî, bi romana xwe ya dawî, Payîz an jî Ziyab, ku ji hêla weşanxaneya Avesta ve, li sala 2024 hatiye weşandin.

Di gel ku roman ji 87 rûpelên D5 pêk tê û li ser sê parçeyan dabeş bûye, lê di metin, vebêjî,…

Tengezar Marînî

Destek im, di bazara parvekirinê de.

Birîn,
asoyên mijê,
Bêje destpêk e,
feryada pel û leman e.
Histû xwar,
di bizav û kewdanê tarî de.

Ziman kesk e;
jêrzemîn asoyekî razê ye.
Çirkek di sebra nîşanê de parastî.
Destanek ji êgir e çavê min
Serdema kovanan e,
Çiyay sinorên êşê nas nakin.
Her tişt bûye êş.
Her tişt bûye kovan.
Şikestin, derbederî, dagîrkerî, talan, lêdan..
Kuç…

Ezîz Xemcivîn

Pakrewan (Şehîd)…

Du helbestên min bi dengê mamoste Güney Özdemir

https://www.facebook.com/100014938271912/videos/1104840264623404

Qado Şêrîn

Kurdê ew nav an ew stran guhdarî nekiriye tune.

Ez zarok bûm, min li wê stranê guhdarî kir, xwîna min hênik dibû, lê min bawer nedikir ku emê rojekê ji rojan, berî 20 salan, hevûdu li Hollenda aş û gulan bibînin.

Pirtûk jiyan û Bîranîn e,…