Barzanî semyanekî semboliye ji gelê kurd re

Konê Reş

   Nizanim bi vê helkeftinê çi derbarî bîranîna 28 saliya koçkirina Barzaniyê nemir de bibêjim..?! Çiko ew mezintire ji pesnê min..
   Tiştê ku ez zanim û bîr û baweriya min pê tê evin: Barzanî semyanekî semboliye ji netew û niştimaniya kurdî re, ji ramanên kurdî yên pêşverû..

Ta radeyekê ku hêjî pêdiviya me bi kesên mîna wî heye… û her û her wê hebe û wênavê wî  bimîne wek semyan ji niştimanperwerên kurdan re..
   Li ser rêbaz û pêvajoya wî a piroz û bi ronahî, wê gelê kurd karibin ji xwe re hêviyên bilind û berfireh ava bikin..
  Ew rêbaza û pêvajoya ku ji kurdan re bûye jêderek bingehîn.Tevî ez ne di wê baweriyê de me ku, rojên derbasbûyî, rojên îroyîn û pêşerojê li terazûya xwe xînin, lê sûdeya ku di rêbaz û serbureya Barzaniyê nemir de heye, gelekî giring û pêwîste ji kurdan re .. Û her wiha ez nebawerim ku mirovên kurd wê karibin pêşkevin, biserkevin û tiştekî nû ji xwe re pêkbînin bêyî rêbaza wî…
   Ma wê çi bihayê nirixandina zinarekî hebe ji çiyakî bilind wek Barzanî re..?!
Barzanî, çiyak bû ji çiyayên Kurdistanê, çiyakî bi dar û ber bû, bi çem û cobar bû, bi gelî û newal bû, çiyakî poz bilind û bi heybet û saw bû..
   Rojekê ji rojan, ev çiya ji cihê xwe nehat hejandin, ne pêşberî bahozên dijwar û ne bablîsokên gur û tund…
Wek me got Barzanî Çiyak bû û çiya namirin, Barzanî jî namire, her wê di huş û ramanên kurdan de bimîne zindî..
   Vê paşiyê ji ber mezinbûn û giringiya navê wî, di nav gelê kurd û cîhanê de, dewletek wek Amerîka ku ji mezitirîn dewletên cîhanê ye, navendek di zankoya Waşinton de damezirandiye bi navê (Melle Mustefa Barzanî), bi merema ku Barzanî yek ji wan kesaye, yên ku tev jiyana xwe di ber gelê xwe de xerckirine, ew jî mîna Nelson Mandêla, Şaril Dîgol û Corc Waşinton e…
   Belê Barzanî mezintire ku ez şabaş û pesnê wî bidim û wî binerixînim..Barzanî çiyak bû, navê wî wek navê çiyakî di nav gelê kurdistanê de hatiye belavkirin bi bilindbûn, heybet û asêbûna xwe ve..       Çendî çerx û dewran di ser vî çiyayî re derbasbin, kes nikare vî çiyayî ji cihê wî bilivîne..
   Erê Barzanî semyanekî sembolî ye ji tevî gelê kurdistanê re. Di vê bîranînê de, ez xwe temene û xûz dikim ji navê wî re û navê tev şehîdên kurdistanê re.

Qamişlo 01/03/2007

شارك المقال :

Leave a Reply

Your email address will not be published. Required fields are marked *

اقرأ أيضاً ...

Konê Reş

Wek ku eşkere ye ji şerê Çaldêranê/ 1514 ve, dest bi perçebûna Kurdistanê hatiye kirin.. Di pey Sykes Picotê/ 1916an de, Kurdistan bûye çar perçe.. Ji wê hingê ve Kurdistanî hewil didin ku Kurdistana xwe bikin yek perçe.. Tevî gelek berxwedan, serhildan û xwîn rijandinê.. Tevî banga Şêx Ehmedê…

Bavê Zozanê

Îro 07.09.2025 li almanyayê, bajarê Essen ê Yekîtiya giştî ya nivîskar û rojnamevanên Kurd li Sûriyê û Yekîtiya nivîskarên Kudistanê nûnertiya Europa simînareke bi rêk û pêk bo nivîskar Luqman Silêman lidar xistin bo emzekirina du pirtûkên wî yek jê Romana Qezerceb ê bû û ya din romana Siyamend û…

Zagros Osman

beşek ji siyasetmedarên kilasîk ê kurd, nemaze yên ku hişmendiya wan di salên 1960, 1970 û 1980an de çêbûye, hîn jî li ser ya xwe ne ku hişmendiya rabirdûyê dubare dikin, mîna ku çerxa demê li wê xalê rawestiya be. siyasetmedarên navbûrî bandora kûr a veguherînên dîrokî yên 35…

Narîn Omer

Malpera “Welatê me” ji bîst salan ve û heta niha jî dana xwe ya bê hempa di warê çand û wêjeya kurdî de didomîne.
Ew yek ji wan çend malperan e ku bê navbir û behnvedan weşan û beşdarbûna xwe, hem bi zimanê Kurdî û hem jî bi Erebî…