Mehmûd BiroDivan çend rojên derbasbûyî de, û liser xwesteka welatê Rûsya, şandek ku pêkhatìye ji pênc kesan wek desteya bilind ber bi welatê Rûsya ve birêket.
Di rûniştinên xwede ligel berpirsên Rûsya ,hin xal ji alîyê desteya bilind ve hatin zelalkirin û hatin weşandin di medyaya kurdî de, liser malperên internêtê.
Ji alîyê din ve hêjayî gotinê ye ku rayedarên Rûsya hiç garantìyek nedaye jibo pêşeroja miletê kurd di Sûryê de.
Tiştekî pir diriste ku kurd wek hêzek serbixwe beşdarî kongira Cunêfê ya duwem bibin, lê birastî ev geşbînîya ku endamên desteya bilind diyardikin dipêşveçûna hevpeyvinênên dinavbera wan û rayedarên Rûsya yê de, ne dicihê xwedeye, û herweha ne liser bingihek rastteqîne û destnîşankirîye.
Herweha diyarkirina ku ev dîdara ligel Rûsya berdewamîyke ji wan têkilîyên semîmî û dîrokî yên dostanîya Rûsya bi gelê kurd re, ev yekjî ne dicihê xwedeye, jiber kû divê em serê xwe didîrokêve derxin , ne dîrokêji serê xwe derxin. Divê em komara Kurdistan jibîr nekin kû çawa leşkrê sor yê wan, yê Sovyêta berê palpiştîya xwe vekişandin û li peymana xwe xwedî derneketin, lê tenê li bercewenda xwe xwedî derketin, û li dawî bûne sedemekî serekî yê ruxandina komara Kurdistan li Rojhilatî kurdistanê.
Jiwê zedetir jî Rûsya xwedanê bikaranîna Veto ye pirr caran dijî şoreşa Sûrî û ji qizinca rêcîma xwînmijve biryar distand, ev yek bû sedeme kuştina bi hezaran kes , dinav wande kurd jî bû qurban û bidihan şehîdbûn.
Parçebûna kurdistana mezin jî , destê Rûsya dinavde heye , divê em vêjî jibîr nekin.
Herweha hêjayî gotinê ye kû em bêjin, desteya bilind nûnerê gele kurde, lê ne nûnerê tenya ye, jiber kû gelek rêz û hevrérzên ciwanan , herweha çend grûp û sazîyên konevanî û komîteyên civata sivil yên din jî hene ku xebata xwe liser erdê dikin dijî rêcîma Sûryê, û jibo mafê rewayî çarenûs yê gelê kurd xebata xwe didomînin.
Van camêran qurbanîyên corbicor jî dane diber rêbaza xwede, lewma jî divê em mafê wan nexwin, biteybetî hevrêzên ciwanan ku ewbûn ardûê şoreşê û qurbanên serê rimê li Herêma kurdî de.
Dibehwerîya minde heger kurd xwedî vê çandê bin, û roj biroj zedetir nava mala xwe rast nekin, û ev nakokîyên kû îro dinava wande hene tune nekin, û xwe ji çanda kû partîya bees dinav mede çandîye neparêzin, û hêzek leşkerî netewî yekgirtî bilez ava nekin, û bernameya xwe ya siyasî zelaltir nekin, û xwe ji desthilatdarîya take hizbi neparêzin, wê çaxê wê kurd wek bazirganê muflis bin kû birastî kes naxwazê bazarê ligel bikê, û ne Cunêfa 2 û ne 3 û4 û ne pêncjî wê tiştekî bo gelê me bînê meydanê.
Wê ewjî wek vaqas kongirên din bê jibo me , û emê serqot û pişte vala û qemçik xwehr û xwerandî vegerin mala xwe. Jiber kû helwest û biryara me ya siyasî ne yeke
