Dilêrên newrozê

Nizar Yosif

Sal qulibî
Di pêsîrên civatên koçkan de germ dibî
Çile yê dudûyan temenê te di hêjmart
Ǜ spîtahiya xwe di rêya te de raêxist

Te dizanî,,,,,
Û tu di adarê de çûyî  
Li kirasê evîna wê digeriya
Dibin barê şabûnê de tewyayî
Bi kelên germ
Di beziya 
Te 21ê adarê şopand
Xwesteka te tu jîndariyê bigirî
Ǜ sîmê rengan li xwe kom bikî
Kedera te tu wî tovê rêzgirtî
Li bej û beyaran şîn bikî
Keskesorê ji newrozê bigivêşî
Li ser xêliyê bixêrhatî de berdî
Şopandina tavê di miha sorûreş de qelen bihaye
Hûn rêzgarbangên wê nin
Ew jî azadixwaza we ye
Dilmayan çavnebarînên xwe li diltengiyê pêçan
Kinarên siha we şopandin
Da ku heyîna we binpê bikin

Te dizanî,,,
Ku mûristan,,,
Ǜ mozistan,,,,
Ǜ zilkitistan,,,,
Di newrozê de vedibin
Ǜ bi dilêran vedidin
Pişgirtiyên te
Di nava neynokan de di çikilînin
Di kuncên tarî de serwinda di nalin
Çavên di girtîgehan de
Di xewnên bêkesiyê de xewixîn
Di fikarên bûyeran de
Li hêza tenahiya xwe giriyan
Lawên ku biskên biharê li wan çilmisîn
Bi mafê sûtariyê ne çêjyan
Hinek bûn candayên vejîna jiyanê
Jankujan li agirê xwe kom bike
Janvejînan bi govendan bi sotîne

Te dizanî
Ev salên berzbûna xwestekên newrozê nin
Salên pêkhatina xewnên temenbihûriya nin
Xwestekê ku salên bêbext binaxkirîn
Ji we ve di çilvilin
Rojbûna dema me vaye
Mîna dara bergirtî
Xudanxêrên wê bindariyê lê bikin
Erk par bibin
Verêjê bi parêzin 
Şeva 21ê de pêtî ji destê te hilat
Reşiya diltengan sotand
Tîrêj li dûra te civiyan
Rengê evîna te sipiye
Pêtî yê ji yarê re ragihand

Te dizanî
Bersiv ji hestên wê difûrin
Beranberî roniya şahiya te tên
Hizreta bextewariyê
Sipî ji cama kirasê wê
Ǜ rengê çile
Ji te re bûn ala newrozê.

19,03,03

شارك المقال :

Leave a Reply

Your email address will not be published. Required fields are marked *

اقرأ أيضاً ...

Nivîskar Konê Reş pirtûka “Cizîra Binxetê û Jîyana Rewşenbîrî” li Qamişlo imza kir. Roja duşembê 10.02.2025 Yekîtiya Rewşenbîrên Rojavayê Kurdistanê (HRRK) li bajarê Qamişlo merasîmeke îmzekirina pirtûkê bi navê “Cizîra Binxetê û Jîyana Rewşenbîrî”, ya nivîskar û helbestvanê kurd Kunî Reş li darxist.
Konê Reş rewşenbîr, nivîskar û helbestvanekî kurd e, di sala 1953an…

Zagros Osman
Endamê Desteya berê ya Aqilmendan û Serokê Navenda lêkolînên stratejîk û şêwirmendiyê Abdurrahîm Temel bû mêvanê kenala Rûdaw TV û ji bo pêvajoya nû a di navbira Tirkan û Abdullah Oçalan de Rêberê Partiya Karkirên Kurdistan PKK yê girtî axivî, û diyar kir ku 6 Vîdeoyên Oçalan hene, di destên Dewletê û DEM…

Konê Reş

Rêwiyo!

Kes weke min

Sikak û kolanên

Bajarê min nas nakî;

Ez dizanim

Kîjan meyxane li kû ye

Kîjan çayxane li kû ye û

Kîjan bazarxane li kû ye..

Tariye..

Tariyê bi ronahiyê

Naguherînim

Ez kiryarê ronahiyê…

Xizan Şîlan

her şev

hestên min yên tevzînok

di nalîna stranên keserkûr de

mest dibin

qedera sersem

li nav qermîçokên eniya min

konê xwe vegirtiye

bêşansiya salên kambax

xwe li stûyê şadiyên min

alandiye

ji asîmanên bihara rengîn

xwelî…