Nameyeke vekirî ji serokê Herêma Kurdistanê re: Tika ye, dergehan vekin!

 Birêz serok Mesûd Barzanî,
gelê kurd li Sûriyê di rewşeke pir xerab de ye. Ev demek e ku ew tuşî qeyraneke insanî ya mezin bûye. Ew ji pêdiviyên bingehîn ên jiyana rojane bêpar maye. Ji aliyekî ve li herêmên kurdî nan hema bêje nema peyda dibe. Ji aliyekî din ve nebûna mazotê bûye sedem ku xelk nema dikarin xwe ji sermaya dijwar di vê zivistanê de biparêzin. Herweha derman û şîrê zarokan li bazarê nema peyda dibin.
Em dizanin ku rewşa we li Herêma Kurdistanê hesas e. Herweha em dizanin ku Malikî û gefên wî li dijî Kurdan we pir mijûl dikin.
Hûn dizanin ku hûn tim dikarin xwe bispêrin piştgiriya bêsînor a gelê kurd li Sûriyê. Bi taybetî cenabê te û pêşmergeyên şoreşa we ya pîroz li Kurdistana Iraqê dizanin ku Kurdên li Sûriyê di rojên we yên dijwar de bi hemû derfetên xwe we bitenê nehiştin, tevî ku di wan deman de rewşa wan gelekî hesas bû û wan xwe tûşî xetera girtin û işkencekirinê ji aliyê rêjîma Sûriyê ve dikir.

Em ji we hêvî dikin ku hûn ji niha ve dest bi sazkirina pirên alîkariyê ji bo Kurdistana Sûriyê bikin. Em ji we tika dikin ku hûn dergehên xwe vekin û bihêlin ard, mazot, derman û pêdiviyên din derbasî Kurdistana Sûriyê bibin. Tenê hûn dikarin gelê kurd li Sûriyê ji dorpêçkirina ji hemû aliyan ve rizgar bikin. Tika ye dergehan vekin!

Hêviya me di we de mezin e ku hûnê gelê me bitenê nehêlin.

Ligel rêz û silavên kurdewarî

Sîrwan H. Berko, rojnamevan
Elmanya, 18.12.2012
siruan@hotmail.com

شارك المقال :

Leave a Reply

Your email address will not be published. Required fields are marked *

اقرأ أيضاً ...

Salih Cefer



Qedexebûna zimanê kurdî bi salên dirêj bû sedema paşketina hemû cûreyên wêjeya kurdî û bi taybetî jî ya zaravayê kurmancî.
Tevî ku di van salên dawî de li gelek alîyên Kurdistnê rewşa wêjeya kurdî (kurmancî) bi pêşve çûye jî, lê hîn pêwîstîya bi pêşveçûnên bêtir heye.
Kanîyên pêveçûnê pirin, yek ji wan…

Ebdûlazîz Qasim

 

Ji demê hatina Ehmed El-Şerih li ser desthilata Sûriyê, piştî hilweşîna rejîma Esed di 8ê çileya sala borî de û heta îro, bi carekî rewş û rastiya Sûriyê ya civakî, cugrafî, siyasî, etnîkî û olî tê paşguh xistin, bi taybetî hebûna gelê Kurd bi carekî tê paşguh xistin, her bigire…

Amadekirin û kurmacîkirina tekstên stiranan: Ednan Bedreddin

 

Mezher Xaliqî yek ji navdartirîn hunermendn kurd ên sedsala bîstan e. Ew di sala 1938 an de weke zarokê malbateka kurd a oldar li Sune (Sanandaj) hatiye jiyanê. Behremndiya Xaliqî di warên goranîgotin û werzişê de ji salên dibistana seretayî ve derketine pêş. Her di…

Ebdûlazîz Qasim

Di dîroka navçeyê de, hîç erdnîgariyek bi navê Tirkiyê nîne, û deweta Tirkiya li ser sextkariya dîrokê û talankirin, qirkirina Kurd, Ermen û Yonaniyan û herwiha li ser dagîrkirina beşeke mezin ji xaka kurdistan, Yonanîstan, Qubirstan û Ermenistanê hatiye avakirin.

Projeyên Tirkan her ji destpêka xwe ve û heta…