Melevan Resûl Yaneya Ehmedê Xanî ya rewşênbîrî / Dêrika Hemko/ simînarek li ser pêvajoya dewltê di pêngavên dîrokî de li navenda çand û huner li bajarê Dêrika Hemko bi beşdariya girseyek ji rewşenbîrên heremê hate li dar xistin , simîrvan Berdirxan Mîrza babeta mijare amade kiribû , Şev bi pêşkeşkirina nivîskar Melevan Resûl ve hate birêve birin , piştî kêliyek bê deng li ser giyanê hemû pakrewanên kurdistanê û şoreşa Sûrî , simîner hate xwendin û li ser van xalên jêrîn dabeş bibû :
– Pênasîna dewletê ji serdemên kon ta roja îroyîn , li gor pênasîna siyasetvan û civaknasên civakî ve
– Nimûeyên desthilatdariyê bi şêweyê dewletî ve
– Çend mînakên giring di pêvajoya sazkirina dewletên mîna imperatorî , mîrnişîn , şahînşahî , qiraltî û komarên serdema nû .
– Sedemên nekarîna miletê kurd ji bo avakirina dewletek serbixwe ta roja îro . – Çareserkirina aloziyên dewletên ku li ser hîmên nijad , ol , bîrdoz hatîn avakirin û careserkirina kêşeya kurd di dewletên desthilatî kurdistanê . Di dawî de hate zanîn ku dewletên pir nijad bi vî şêweyên li rojhilat peydabûyîn , ew bûne parçek ji aloziyê bixwe û serdema dewleta netewî ( nijadî ) derbas bûye û pêwistî bi dewletên li gor pîvanên şaristanî heye heger em nebêjin di bingihê xwe de dewlet bi xwe tê wateya desthilatiyê û giringe dewlet bi vî şêweyî were herifandin û li şûnê komonên civakî werin saz kirin û sîstemek dûrî bandora dewletî were damezrandin , tê de hemû kes karibe nasmaeya xwe û beşdariya xwe di rêveberiya xweser de bi pêş ve bibe .
Dawî deryê guftogoyê li ser naveroka babetê hate vekirin û derbirînên beşdaran mijar têr û teseltir kir . Yaneya Ehmedê Xanî ya rewşênbîrî – Dêrika Hemko
17/8/2012
