Zengilê metirsînê lêdidê

Diyar Ehmed

Ne nû ye em bêjin rijêma Ba`as eve bêhtirî çil salî ye siyasetên bêkarî, birçîbûn û paşguh ve avêtinê li Rojavayê kurdistanê bikartînê. evê siyasetê destpê kir, ji standina Erdên cotyarên kurdan û peydakirina kelem,astengî û aloziyan di rêya gelê kurd de, û nexasim ne avakirina bingehên jêrxana aborî, ku ta vê kêlîkê jî kargeh û fabrîqeyên mezin li deverên kurdî bi zehfî çêne bûne û ne hêlane bêne çê kirin .
 ev siyasete berî niha û li gorî pilanin rêbazker ji aliyê rijêmê ve dihatin kirin. Di encama wan siyasetan de gelê kurd bêçar ma û nîşanên hejarî û ji hev ketenê di civaka kurdî de rûda. Evî gelê hejar derd û êşên belengazî û pêrîşaniyê kêşand, û ji wê bêçariyê li duryaneka dijwar rawesta ,yan wê di nav êş û janên bêkariyê de lawaz û bêkêr bimînê, yan jê wê berê xwe bidê ji der ve li Ewropa û deverên dî yên biyaniyê,yan bivê û nevê wê barê mişextî û derbederiyê li şam û Helebê hilgirê û di bin de rawestê . ev rewşa gelê kurd bû berî şoreşa azadiyê, lê piştî ku şoreşa gelê Sûriyê destpê kir, wek ku her kes dizanê rewşa aborî ya Sûriyê tevlî hev bû û egerên vê yekê jî xuya ne, lê şûnmayên wê rewşê û karvedana wê li ser deverên kurdan mezintir û girantir bû. ev yeke jî ji ber tevdana rewşa aborî  û pêre jî giranbûna kel û pelên xwarin û vexarinê ji alîkî ve,û vegera piraniya penaberên kurd yên ku eve çendî sal bûn li Şam û deverên dî yên Sûriyê rûniştbûn û karê xwe dikirin ,û  di bere jî bilindbûna rêjeya bêkariyê li deverên kurdî û nexasim di nav rêzên xort û ciwanên kurd de .evê yekê hişt ku îro deverên kurdan di bin barekê giran û rewşeka metirsîdar de bi nalê û dinalê. Îro pirsgirêka bilindbûna rêjeya bêkarî û perîşanan li deverên kurdan ne tenê hin tirs û pirsan diyar dikê, lê belê kartêkirinek nêgatîv li rewşa hevwelatiyên deverê tevî kir ye, tevî  kêmbûna kirîstên sotemenî ,navmal û avahîsaziyê, û ji xwe piştî ku tirs nema ye bazirganên deverê jî buhayên kirîst ,kel û pelan li gorî xwe nimiz û bilind dikin, kirya xaniyan li deverên kurdan giha ne /16000/ şazdeh hezar wereqên Sûrî.
Ev rewş rewşka xirab û bi tirs e. Raste, gelê kurd jî xwe dîtiye beşek serekî ji şoreşa gelê Sûriyê û dizanê şoreş bê dan ,gorî û qurbanî ser na Kevin. Lê hin pirs di nav vê rewşa tarî û tevilhev de serê xwe hil didin û pêtviyê bersiva danê ne.
 Gelo çima ta vê kêlîkê hêzên siyasî yên kurdî bi êş û jana van kesan ve mijûl ne bû ne û ev rewşa giran li ber çav ne girtine ???
Çima hêzên kurdî yên siyasî û bi taybetî  herdu Encûmenên kurdî, têvî ku rêkeftina Hewlêrê jî bi hev re imze kirine ,lê  hê ne xuya ye ku li ser rûyê erdê bûne yek û karên hevbeş bi hev re,bi yek dil û canî dikin,li vir eger em xwepêşandanan jê derînin???
Ji ber wê yekê jî em guman dikin, ku  eger hêzên siyasî baweriyê bi hev neyînin û li dora hev bi gerin û hin alî bixwazin di vê qûnaxa tevilhev de xwe bibînin ,ku ew bi tenê ne û ji mafê wa ye ku serkêşiya civak û devera kurdî bi tena xwe bikin, û divin her tiştî jî bêxin di nav destên xwe de. hingî,di baweriya me de ne tenê mafê kurdan wê wenda bibê, lê belê hêzin dîtir ji derveyî wan û dibê ku neyarên kurdan bin jî ,wê di civaka kurdî de serê xwe hildin û bibin dûv û bingeh ji hêzin herêmî re û  dawiyê bibin bela ji gelê kurd û civaka kurdî re . niha hêzin hene dixwazin bi hênceta dana yarmetî û dest girtina belengaz û perîşanên kurdan  derbasî civaka kurdî bibin û cihê xwe li rex gelê kurd çê bikin, û mifayê ji rewşa bêkarî û perîşaniya malbatên kurdan bigirin û bi taybetî ewên ku hatine paşguh ve avêtin û  jibîrkirin,kes li rewşa wan xwedî dernakevê û di nav derd  û êşên giranî û bêkariyê  de dikelin ,û herweha mifayê ji sistî û nakokiyên hêzên kurdî û nexasim herdu Encûmenên kurdî ,ku ta niha ne karîne gelê kurd piştras bikin û li ser rûyê erdê wê baweriye çê bikin ,bidin diyarkirin ku ew yekin û  bûne yek ,û xalên rêkeftina Hewlêrê yek bi yek cîbicî dikin .ji ber herdu egerên  borî niha hêzin bi xurtî destên xwe dirêjî deverên kurdan dikin ,û fitir û zikatên xwe li ser perîşan û bêkarên kurdan belav dikin,ev bi eşkere ye û ka çi di bin cilikê de û di odên tarî de tên ristin û hûnan din,em nizanin!!?? .
Eger peywendiyên herdu Encûmenan ma bi vî rengî, di gumana me de ev yeke wê di rojên pêş de metirsînekî  li ser mafê kurdan û paşeroja gelê kurd, û ne aramî û seqmgêriyê di civaka kurdî peyda bikê .

vêca zengilê metirsînê lêdidê û hêzên siyasî yên kurdî guhê xwe girtine û çavên xwe neqandine, tenê bi tiştin dî mijûl dibin, dûrî êş û janên gelê kurd di gerin ,û derd û birînên wê yên kul û vekirî derman nakin .

شارك المقال :

Leave a Reply

Your email address will not be published. Required fields are marked *

اقرأ أيضاً ...

Salih Cefer



Qedexebûna zimanê kurdî bi salên dirêj bû sedema paşketina hemû cûreyên wêjeya kurdî û bi taybetî jî ya zaravayê kurmancî.
Tevî ku di van salên dawî de li gelek alîyên Kurdistnê rewşa wêjeya kurdî (kurmancî) bi pêşve çûye jî, lê hîn pêwîstîya bi pêşveçûnên bêtir heye.
Kanîyên pêveçûnê pirin, yek ji wan…

Ebdûlazîz Qasim

 

Ji demê hatina Ehmed El-Şerih li ser desthilata Sûriyê, piştî hilweşîna rejîma Esed di 8ê çileya sala borî de û heta îro, bi carekî rewş û rastiya Sûriyê ya civakî, cugrafî, siyasî, etnîkî û olî tê paşguh xistin, bi taybetî hebûna gelê Kurd bi carekî tê paşguh xistin, her bigire…

Amadekirin û kurmacîkirina tekstên stiranan: Ednan Bedreddin

 

Mezher Xaliqî yek ji navdartirîn hunermendn kurd ên sedsala bîstan e. Ew di sala 1938 an de weke zarokê malbateka kurd a oldar li Sune (Sanandaj) hatiye jiyanê. Behremndiya Xaliqî di warên goranîgotin û werzişê de ji salên dibistana seretayî ve derketine pêş. Her di…

Ebdûlazîz Qasim

Di dîroka navçeyê de, hîç erdnîgariyek bi navê Tirkiyê nîne, û deweta Tirkiya li ser sextkariya dîrokê û talankirin, qirkirina Kurd, Ermen û Yonaniyan û herwiha li ser dagîrkirina beşeke mezin ji xaka kurdistan, Yonanîstan, Qubirstan û Ermenistanê hatiye avakirin.

Projeyên Tirkan her ji destpêka xwe ve û heta…