Berzo MehmûdRola takekes û Tevgera siyasiya Kurdî
Nebûna serdarên dilsoz û zana
2. Rêbazên avakirina endamê partiyê.
3. Giriftarên komelayetî û saykolojî di tevgera siyasî de.
a. Vîlikgêran û Derew û Bêbextî û Tometkarî.
b. Kuncegîriya rewşenbîr .
c. Xwekulabindin bi ser kursî û axatîyê de.
d. Nebûna dîmokrasiyê û hebûna zordestiyê (istibdadê).
e. Hestê berpirsayetî beramber kurdayetî û partayetî.
f. Tevgera Kurd navbera Kurdxwazî û partîxwazîyê.
g. Yê ne bi me re, li dijî me ye; yê bi me re, hevalê me ye.
h. Pêwendiyên rewşenbîr û siyasî Ii nik Kurdan ne saxlem in.
i. Peyda nebûna serdarekî dilsoz û zana di tevgera Kurdî de.
Arezûya axatî û navdariyê
Ev demeke dirêj e ku Kurdan deshilat bidest nexistine, lewre arezûya axatiyê, pelûkirina mirovê Kurd bo nav û dengê xwe li nik kurdan gelek diyar dibê, nemaze, di riya wergirtina kursiyên pêş de xuyanî dikê, û bûye girêkeke saykolojî di kesatiya mirovê Kurd de, ku gelek ji wan hez axatiyê dikin, lewre eger em zikê mirovê Kurd vekin emê gelek axa têde bibînin, ta radeyekê mirovine ehmeq jî doza axatiyê dikin. Ev arezûya han ne tenê li nik hejar û zengînan heye, lêbelê li nik xwenda û nexwenda jî heye. Wek em li nav û dengê xwe digerin, em hewqas li doza gelê xwe nagerin, lewre jî rewşa tevgera siyasiya Kurdî di barekî nexweş de birêve diçê, lewre jî em sed parçe ne, lewre jî em ta niha bindest mane, helbestvanekî Kurd, Mela Enewer, helbestek di govara Ronahî de, rûpel 211, belav kir
Serbestî
Divêtin em li vê rêkê nexwazin nav û serdarî
J`dil û îman xebatê b`ken bi rastî em bikeyn karî
Divêtin em hemî pêkve li xwe b`zivirin bikeyn tobê
Zikî paqij bikeyn j`kînê devî taze bikeyn j`parî
Şev û rojan bikeyn şolî ji bo serbestiya Kurdan
Qemî em xo bikêşin tev j`dev û lêvên evî marî
Hemî em sed hezar xûh û hezar xûnan vemalin j`xwe
Tiştek tenê di vê kêşeyê de xwe belû dikê, ew jî berjewendiyên miletê Kurd in, ka em jibo çi kar dikin, em jibo miletê xwe xebatê dikin, yan jibo axatiya xwe dikin. Eger em berjewendiyên miletê xwe danin ber çavê xwe, ji xwe, emê dev ji van kursiyên kertonî berdin, em hemî emê nêzîkî hev bibin, emê yekîtiyan sazbikin. Emê partiyên xwe xurt bikin. Bilindî û nizmayîya hestê berpirsayetî li nik xebatkarê Kurd gelek giring e, û helbet bikarhênana yasayên dîmoqratî jî stûneke pêwîst û qayim e bo pêkanîna tevgereke hişmend û saxlem.
