Serkird û layîngirên Şepêla Pêşeroja kurd Li Sûriyê .
Malbata xebatkar û siyasetmedarê kurd Mişel Temo.
Bi êş û janeka mezin me xebera terorkirina têkoşer û çalakvanê kurdê navdar Mişel Temo bihîst. bi rastî em pir ketin di xem û kovana vî xebatkar û ronakbîrê xwîngerim û peyvxweş de û çûna wî netenê zirare ji malbat û partiya wî re, lê belê çûna wî û nexasim di vê dema nazik û hestyar de zirareka mezine ji şoreşa gelê Sûriyê re bi tevayî û ji xebata miletê kurd û tevgera wî ya siyasî re bi taybetî.
em di wê baweriyê de ne,ku xwîna şehîdê peyva rasteqîn Mişel Temo beyhode naçê û wê li ber tîrêjên xwîna wî ya zelal çirayên azadî û azadîxwazan bimînin geş û ronî.
Teror karekî rûreş û şermezare,û hêz û rijêmên terorkar bergehê wan di komelgeha nêvdewletî de namînê,û hizir û bîrên wan tucarî cih nagirin.
Di vê helkeftina diltevzîn de,em bi navê Komîta Amadekar Ya Helbesta Kurdî sersaxiyê li tevaya gelê kurd dikin û hêvîdarin ku xwedayê banî cihê şehîdê me di nava qencên xwe de xweş bikê,û sekin û hedarê bidê malbat,heval û hogirên wî.
Komîta Amadekar Ya Helbesta Kurdî Li Sûriyê.
