Ketme derdê evîna te

 
Şêrzad zeynelabidin

Were bîne bîmarê xo
Yê te sotî binarê xo
Rakêşe ber dîwarê xo
Nebê xelkî evê dîne

Wekî hiş çû xem peyda bû
Ku tîra xo li cergî dabû
Ne roh girt û ne berdabû
Lewa çav me pirrî xwîne

Bihar çû havîna bi rêve
Çi rû gul hirmî û sêve
Devê xirte nekir xêve
Bes carekê li vir rûne

Bes carekê mi gazîke
Dilê jar bes tu tazîke
Ji rehma xwe m razîke
Çi bişkoje çi solîne

Çi solîn nêrgiza meste
Riha min wê li jêr deste
Lewa herdem dibim xeste
Mi bi sojîtin qed xem nîne

Bi xemza çava nê kuştim
Dil pirt pirt bû hem bihiştim
Birîndar mam û rûniştim
Ku çavên wê her dibirsîne

Şeva bêdeng û mit maye
Tijî leşî sir û taye
Li vê deştê hirr û baye
Rû ji rondika nimandîne

Bes rojekê were vêrê
Sto bo te kefte ber kêrê
Bibim qurban bo wê xêrê
Nebê mêhvan bê wextîne

Çi sultane li ser dilê min
Dem û gava li ser milê min
Xew nahêt çavê zilê min
Şev û roj li me têkpeşîne

Bi şev û roja bê halim ez
Bûme ebdal dinalim ez
Ne dujmin nê hevalim ez
Wî perrê reş ka bidirrîne

Neke axiftina ji qesta
Nê dil pîr bû gelek westa
Ha dê kevîte ber besta
Carek negot destî bîne

Carek negot ka destê xo
Negot da sehkem mestê xo
Bigehim bîmar û xestê xo
Ku lêvên wê ditêhnîne

Ji çava min esrîn dibarin
Bihar çûn û xema xarin
Dil bê mal mesken û warin
Kesek dî wek te qed nîne

Kesek wek te min nevêtin
Cerg û dil me tijî pêtin
Kaniya hişk bûy ji nû dê zêtin
Axînkên min pawîzîne

Bimînim ez li benda te
Heyranê naz û xenda te
Ketim nav derya menda te
Ka carekê serhelîne

Pawîz bo min çi xoş ware
Neya germ û neya sare
Li derdê me bike çare
Nê rojên me dihijmartîne .