Axaftina çi, ziqûma çi?

Qado Şêrîn

Ta dema vexwendina axaftinê, partiyên kurdî qedexe bûn, miletê kurd jî tune bû, û rojekê jî nehatibû bîra rêjîmê bi kurdan re axaftinê bike, êdî ji her kesî re eşkere ye ku rêjîma kêferata mirinê dike û li ber rûxandinê ye, ji kurdan giyanê jiyanê dixwaze.

Çima axaftin berî 15ê adarê yan jî piştî serhildana 12ê adara 2004an cih negirt?, yan jî, wek nimûne berî 20 salan?, bersiva vê pirsê Adaroyê min ê 4 salî jî dizane, bi hêviya ku tevgera kurdî jî zanibe.
Bila tevgera kurdî bizanibe ku axaftin û çûna ber lingê serokê rêjîmê li ser cendekên şehîdên şoreşa ciwanan dibe, eger ewqase şehîd neketibana, rêjîmê deriyê axaftina xweparastin û temendirêjkirinê venedikir.
Bila tevgera kurdî carekê bi mêranî helwesteke dîrokî bistîne. Bi gumana min ana dema wê helwestê ye. Eger hat û şoreşa Sûriyê bi giştî û ya ciwanên kurd bi taybetî bi ser ket, dê tevgera kurdî ji ber berpirsyariya dîrokî, xwe di çi qulê de veşêre?.
Tirsa me ji wê tirsê ku piştî axaftina bi rêjîmê re, rêjîm êdî dest bi kuştin û rijandina xwîna ciwanên kurd bike. Bi hêviya ku kurd bi kurd nekeve.
Têkçûn e kurd bi tenha xwe axaftinê bi rêjîmê re bikin, eger hemû aliyên ereb jî di eynî rûniştin û axaftinê de bin, eynî UN jî amade be, ew axaftin ji bo kurdan têkçûne û ji bo rêjîmê serkeftin e, ji ber ku vê rêjîmê tu caran axaftin nexwestiye, lê ji ber ku ana kêferata mirinê dike, û ji bo ji rojava û rojhilat re diyar bike ku ew axaftinê dixwaze, ew deriyê axaftinan vedike.
Ana ji tevgera kurdî tê xwestin ku piştgiriya şoreşa ciwanên Sûriyê bi giştî û ya ciwanên kurd bi taybetî bike, ne ku biçe bi kujerê ciwan û zarokan re axaftinê bike.
Jixwe gelek şert û mercên axaftinan hene, lê şert û merc li ser miriyan nayên danîn. Mixabin ku partiyên kurdan nikarin şert û mercan li ser rêjîma mirî jî deynin.Qet axaftin di navbera Rovî û Mirîşkan de çê nebûye, her wisa di navbera gur û pez de.
Li dawî,
ji tevgera kurdî, ji hemû partiyan tê xwestin ku helwestek mêrane û dîrokî bide, ku kurd naçin axaftina xwe rezîlkirinê, û ew bi xurtî piştgiriya şoreşa ciwanên kurd bi taybetî û ya Sûriyê bi giştî dikin. Eger partiyên kurdan wisa nekin, emê kurd hemû ta ebed rezîl bijîn.
Li dawiya herî dawî, ez wek kesekî kurd xwe ji wê partiyê bêrî dikim, ew a biçe axaftinê bi serokê kujeran re bike.

06/06/2011

شارك المقال :

Leave a Reply

Your email address will not be published. Required fields are marked *

اقرأ أيضاً ...

Salih Cefer



Qedexebûna zimanê kurdî bi salên dirêj bû sedema paşketina hemû cûreyên wêjeya kurdî û bi taybetî jî ya zaravayê kurmancî.
Tevî ku di van salên dawî de li gelek alîyên Kurdistnê rewşa wêjeya kurdî (kurmancî) bi pêşve çûye jî, lê hîn pêwîstîya bi pêşveçûnên bêtir heye.
Kanîyên pêveçûnê pirin, yek ji wan…

Ebdûlazîz Qasim

 

Ji demê hatina Ehmed El-Şerih li ser desthilata Sûriyê, piştî hilweşîna rejîma Esed di 8ê çileya sala borî de û heta îro, bi carekî rewş û rastiya Sûriyê ya civakî, cugrafî, siyasî, etnîkî û olî tê paşguh xistin, bi taybetî hebûna gelê Kurd bi carekî tê paşguh xistin, her bigire…

Amadekirin û kurmacîkirina tekstên stiranan: Ednan Bedreddin

 

Mezher Xaliqî yek ji navdartirîn hunermendn kurd ên sedsala bîstan e. Ew di sala 1938 an de weke zarokê malbateka kurd a oldar li Sune (Sanandaj) hatiye jiyanê. Behremndiya Xaliqî di warên goranîgotin û werzişê de ji salên dibistana seretayî ve derketine pêş. Her di…

Ebdûlazîz Qasim

Di dîroka navçeyê de, hîç erdnîgariyek bi navê Tirkiyê nîne, û deweta Tirkiya li ser sextkariya dîrokê û talankirin, qirkirina Kurd, Ermen û Yonaniyan û herwiha li ser dagîrkirina beşeke mezin ji xaka kurdistan, Yonanîstan, Qubirstan û Ermenistanê hatiye avakirin.

Projeyên Tirkan her ji destpêka xwe ve û heta…