Obama xewin û hêviyên gelên rojhilata naverast hişyarkirin

Diyar Ehmed

Di nava kel û gurbûna nerazîbûn, xwepêşandan, serhildan û şoreşên gelên rojhilata naverast û bakurê Ifrîqiya de. serokê Emerîka rêzdar Barak Obama axavtinek yekser û zelal ji gelên wê deverê re pêşkêş kir. di axavtina xwe de nêrîn û helwêstên siyaseta derve ya welatê Emerîka eşkere kir û gelên deverê piştrast kir, ku siyasetên tepeserî û çewsandinê di rojhilata naverast de nema êdî ber digirin û îro dem ne li bayê rijêmên dîktator û sitemkar digerê.
dengê hawar û qêrîna rûmetiya mirovatiyê li rojhilata naverast û bakurê ifrîqiya dengveda, li ser kûrbûn û bilindiya dengê azadîxwaz û rûmetvanên mirovatiyê erd û esman di bin lingên rijêmên regezperist û gendelkar de hejand, kaxetên wan tevlîhevkirin, derê hebana nerastî û derewan hate vekirin, hertişt ji miletên perîşan û belengaz re diyar bû, kaxetên xurtiya wan rijêman yên ku salan di ser hev de komkirîn di şev û rojekî de li ber zelalî û xurtiya dengê azadiyê şewitîn, kesî nema bawerî bi hebûna wan rijêmên sist û xav anîn û rastiya wan ji her kesî re hate zelalkirin, bi dengek bilind gotin: desthilatdarî di rojhilata naverast de di nav destên jimareka kêm de ye ji mirovên wan welatan , piraniya mirovên dîtir paşguh ve hatine avêtin û ji ked û karî bê barin. ji ber vê yekê serok Obama dest danî ser birînê, bi ron û zelal her tişt nav û nîşan kir, gurzên peyam û nameyên cuda ji aliyên peywendîdar re şandin û daxuyakirin ku du rêberên Bakurê Ifrîqiya  di bin hêz û fişara xwepêşander û serhildayan de  dest ji kar berdan û yên mayî jî li dûv wan di wê rêyê de wê herin. serok Obama piştgirî û palpiştiya welatê xwe ji gelên Misir û Tunisê re di guhertinên dîmokrasî de dupat kir û piştevaniya mafên gelên deverê di azadî û wekheviyê de daxwaz kir û got: ne welatê Emerîka miletên rojhilata naverast daxistin kolan û qadan. gelên wê herêmê çarenûsa xwe bi vîna xwe destnîşankir. siyaseta me di rojhilata naverast û bakurê ifrîqiya de avaye li ser bincîkirin û xurtkirina têgehên dîmokrasiyê û parastina mafên mirovan, û herweha peywendî û têkiliyên me jî di wê deverê de li ser rêzgirtin û berjewendiyên hevbeş yên her du aliyên têkildar  tên girêdan û avakirin.

Ronkirin û destnîşankirina rastiya mofikên bûyer û rûdanên rojhilata naverast û bakurê Ifrîqiya di axavtina serok Obama de sînorê helwêst û gumanên zêrevan û çavdêrên siyasî derbas kir û bal ber bi pir tiştên balkêş ve kişand, û bi zarek zelal xortê Tunisî Mihemed Bo`ezîzî derkerê çavkaniya bayê guhertinan binav kir, pesnê mêrxasiya gelê Sûriyê di rûyê rijêmê de da û ji serokê Sûriyê Beşar Esed xwest, ku hemî rengê tund û tûjiyê dijî xwepêşanderan rawestînê, tevaya zêndaniyên siyasî û girtiyên bîr û ramana serbest bikê, derî li pêşiya xwepêşandanên aştiyane  vekê û daxuyakirin ku rijêma Sûriyê miletê xwe bi koman dikujê. Ji ber wê jî di bin çi nîr û kewdanan de  em nikarin çavên xwe ji tund  û tûjiya dijî miletan tê kirin bigirin û eşkere got: Beşar Esed li duryanekî rawestaye yan divê serkêşiya çaksaziyên siyasî û guhertinên dîmokrasî bikê yan jê divê dest ji kar berdê. piştî ku serok Obama  axavtina xwe bi domahî anî. piraniya çavdêrên siyasî yên ku axavtin nerxandin bi eşkere ragihandin û gotin: di baweriya me de  rêzgirtin û pêbawerî bi Obama û gotinên wî di nava miletên rojhilata naverast û bakurê ifrîqiya de ji ya tevaya serok û rêberên wan welatan bilintir û zêdetire. eger ev gotin nîşan û wate na bidê ,wateya herî xuya di van gotinan de, ewe ku axavtina serok Obama di demeka rast de hat, axavtin serket,armancê nîşan anî û cihê xwe bi kûrahî girt .

شارك المقال :

Leave a Reply

Your email address will not be published. Required fields are marked *

اقرأ أيضاً ...

EBDILBAQȊ ELȊ

Polȋtȋk karekî pîşeyî ye, û pêdivî ye ku kar ȗ xebata sîyasî standardên pîşeyî yên polȋtȋkî bipejirîne, ȗ xwe bi sipȇre pîvanên pirofesiyonelîzma siyasî, ku li gor civaknasȇ siyasȋ yȇ Elman MAKIS VȊBER”Max Weber” pȇwȋstȋ bi van her sê taybetmendiyên girîng heye : azwerî, hesta bi berpirsiyariyê, û…

Fewaz Ebdê

Di êvareke bi bêhna axa bi neynûkan kolayî de

Min dengê henasên çiyayan bihîst

qerqerin zelalî ji mijê li xwe kiribûn û

bi dengekî bizorderketî “Ey Reqîb” digotin.

Te yê bigota ji devê gorê gazî zarokên xwe…

Konê Reş

Pêşangeha Navnetewî ya Pirtûkan li Hewlêrê/ 17, ku ji roja 9ê Nîsana 2025, destpê kiriye û ta roja 19ê berdewam e. Ev pêşangeha di bin durişma “Cîhan Bi Kurdî Xeber Dide” hatiye lidar ketin. Sebaretî min, pêwîst bû ku ez di roja 13 vê Nîsanê de,…

Li kurdistana Başûrêrojava gelek bûyer û pêşhateyên siyasî diqewmin, ku bandora xwe raste rast li ser bizava netewiya Kurdistana Başûr heye.

Li kurdistana Başûrêrojava tenê ENKS û PYD- YPG nînin, ji derveyî wan gelek rêxistin û partiyên siyasî yên tekoşer û xudan dîrok û ezmûn jî hene, ku pêwist û giringe, em…