Şevên Helbestê (3) Helbesta kurdî berê wê li ku ye

weku me di şevên bûrî de, da xuya kirin, ku şevên helbestê, dê her carê bi awayekî, xwe bi de pêş, weku xweşikbûn û qeşengî ya helbestî, rewanê huneriyê ye bi tevayî, û bi rengekî taybet rewanê helbestê ye ji her aliyî de, wisa lêpirsîna helbestê û nirxandina wê ku yek ji armancên şevên helbestê ne, ku di rêya wê re, em li asta helbesta xwe bi pirsin, gelo helbesta kurdî berê wê li ku ye..?

bê guman ev pirseke berfirehe, lê me da xuya kirin, da ku em asta helbesta xwe nas bikin, divê ku em ji xwe despê bikin, û bi taybet helbesta kurdî li bajarê hesekê, tev ku em nikarin wê bikin nimûneyeke giştî û em li ser asta wê bi tenê nerînekê ava bikin derbarî helbesta kurdî çi li deverên kurdî li sûriyê, û çi li kurdistanê bi tevayî. lê em dikarin bibêjin ku helbesta kurdî çi kevneşop, çi nûjen ya ku îro li bajarê Hesekê tê nivîsên, ew jî nimûneyeke ku bê xwendin û nirxandin mirov dikare bi gelek nerînan derbarê wê derkeve.
di şeva helbestî ya sisyan de, çend pirsên taybet hatin raxistin, yek jê gelo helbesta kurdî li bajarê Hesekê ber bi ku ve diçe..? gelo helbesta kurdî ji wê çarçewa xwe ya teng derketiye û xwe gihandiye asta helbestên welatên dîtir; Erebî, Tirkî, biyanî…t.d?. heger ev pirsên ha, di şevên helbestê de taybet bi helbesta kurdî li bajarê Hesekê hatin li dar xistin, lê mirov dikare va pirsan û hinekî dîtir derbarî helbesta kurdî bi giştî raxîne, bi hêviya ku guhdan bi xwendin û nirxandina helbesta kurdî çê bibe.
di vê şeva me de, çend helbestên Xalid Omer, bûn nimûne digel helbesta kurdî ya kevneşop li bajrê Hesekê.
Xalid Omer yek ji wan helbestvanên wendayî ye, ango di meydana helbestê de, yek ji wan kesên bê nav û denge, lê ta ser û pê di helbestê de wendayî ye, jiyana wî tev helbeste, bi rewanê xweyî naz û çeleng helbesta xwe dilorîne, bi hestê xweyî tenik wê şîr dide, dûvre wek kevokekê ji nav mêlakê xwe wê berdide, lê mixabin ev kevok, ev helbest, hîna li asîmanê Hesekê bi tenê difire!?
taku debarî helbesta Xalid Omer, dûrî pesindariyê herim, va çend nimûneyan ji helbestên wî, ez li ber destê rexnevan û xwêneran datînim.