hevpeyvîn bi siyastmedar û nivîskarê kurd Ebdulrehman Alucî re

piştî Silavin gerim ji rêveber û mêvanên koçka rojavayê kurdistanê, berêz Alûcî weha axifî: Ez bihêvî me ko em demeke xweş bi hev re bibhurînin , Berî Şeş heft mehan em ketine vê mijarê de , nemaze sistbûna têkiliyê di navbera tevgerê û rewşenbîran de û ji milê din ve gelek caran gilî û gazinên di nav herdiwan de dighêje pileya êrîş û êşandinê û ji warê rexnê durist û avadaniyê derdikeve eger em kêmasiyên  tevgerê bijmêrin dê gelek bin , lê kêmasiyên rewşenbîran jî hene û ew jî gelekin , ev kêmasî fireh dibin û nayên çareserkirin , ji ber her alîk ji wan dixwaze sedemên kêmanî û paşveçûnê bavêje ser ê din û gunehê wî giran bike , lê mafên tevgerê li rewşenbîran hene û ji wan tête xwestin ko tevgerê bi pêşxînin û geş û dewlemend bikin û raman û behweriyên xwe bi awakî zanistî pêşkêş bikin ko bibe gavek hêja di warê pêşketinê de , her wiha mafê rewşenbîran jî li tevgerê hene ko cihê wan bête xuyakirin bi rêz û hurmet ko xwe nebînin di bin êrîş û astengiyên ko tevger li wan girêdide  . Ew cudabûn û gilî û gazin tevde bê sûde , û kelem û kortalan bêtir dike , ji ber ko roj bi roj dûrketin peyda dibe û rexin dikeve warê şer û rûxandinê…  Raste kêmaniyên tevgerê hene û di warê parçebûnê û jihevketina partiyan , û herifandina navxweyî gelek endam û mejiyên hêja têne  sutandin bi ezîtiyê û malbatiyê û êlperestiyê , herwkî hinin gellkî paşmayî û kor û kevinperest rengê nûjeniyê li xwe dikin û bavê xerabiyê ne , ev xerabî peyda dibe di komîteyên navîn û komên serekî yî konevanî cihên biryar û nerînên ewan hêzên kurdî li rojavayê kurdistanê , ev karê kêm û xerab destin gemar bi dû wan de hene , çi  perçebûna partiyan be , yan jî dûrxistina rewşenbîran ji xebat û têkoşînên  tevgerê .
Pirsa ko tê kirin û em Karin li ber rawestin eve : ta kengî dê tevger ji van kesên xêrnexwaz û qirêj xelasbibe û kesên dilsoz û paqij ê dûrî tevgerê bimînin , û bisedan ji wan endadmên delal û heja vegerin ware kar û xebatê di tevgera xwe de ê ko li malên xwe mane , û ji ber karê evan kesên qirêj xwe dane alî  ?
Ev pirs xurtir dibe dema ko rewşenbîrên kurd dûrketinê ji xwe re bikin kar û rê vekin ji van kêmasiyên tevgerê ko bibin girêk û kwînêr û laş biaxive roj bi roj da ko nema çareserî bimîne , lê têkiliya dinavbera rewşenbîran û tevgerê de dê çêtir bibe çaxa em sedemên cudabûnê çareser bikin û tevger xwe bêtir nêzî kesên paqij û hêja û zane bike – ji rêziman zana  , nojdaran , konevanan , dîroknasan ….td – da ko ew bi alîkariya evan mejiyên hêja xwe rake û dengê xwe bêtir bighîne cîhanê û kêşeya kurdî bighîne qonaxeke pêşveçûyî , û gerek têkilî li ser bingehin xurt rabe û encama evê têkiliyê serkeftina kêşeyê be berî her tiştî .
di evê dîdarê de gelek kesan beşdarî kirin , ji rewşenbîran û endamên tevgerê , û didanû standin geş dibû bi sênga fireh ji rexna re , di encam de hate xuya kirin ko tevger û rewşenbîrên kurd dikarin li hev guhdar bikin bi rengekî nûjen û şaristanî ,tev ko carna rexin ji ware xwe derdiket û diket warê kîn û êrîşê de ew jî kêm bûn beranberî rexnên zelalî bi sûde , ên ko mirov karibe sedemên dûrketinê tê de nas bikin û diyar bikin.
Ev dan û standin û ronî kirin demeke baş stand û daweriyin xweş ava kirin di warê yekitiya tevgerê , û tiştên erênî têde , û bi taybetî yekitiya partiyên nêzî hev di warê raman û baweriyan de ,  ev partiyên rabûrî yên ko bûne sedemeke serekî ji dûrketina zane û rewşenbîran û dilsazan û endamên hêja , û valayî û kêmayî di tevgerê de li dû xwe hiştin , û derfet dan gelek kesên nehêja û keysperest û revoke û tirsonek , ew kes ji rewşenbîrên ko karê wan rexne ji bo rexnê ne jibo ava kirinê , û êrîşan dikin ta ko kêmasiyên xwe veşêrin û tevgerê bi êşînin û alîkar bin bi dijmin re û çav reşîkê têxin nav millet û tevgera wî de .
Di dumahiyê de bi dilsozî û kêf xweşî ev mijar hate qedandin û bû bingeheke ji mijarin dîtir re , ko têkeve warê avahiya tevgerê û nêzîkayiya di navbera wê û rewşenbîr û hunermend û zanayên li rojavayên kurdistanê û hersî parçeyên dîtir de  jî .
Hêjayî gotinê ye kû Koçka Rojavayî Kurdistan ji layê hunermend Şevger û bi alîkariya gelek xortên hêja wek (admîn), tê birêvebirin.