Ji encama êrîşeke dronî ya rêjîma Îranê li ser kampên sivîl yên penaberên Rojhelatê Kurdistanê li bajarê Silêmaniyê, pêşmergeyek bi navê Xezal Mewlan ya 19 salî bi giranî birîndar bû, tevî ragihandina agirbestê di navbera Amerîka û Israelê de ji aliyekî û rêjîma Îranê de ji aliyekî dîtir ve.
Lê bi mixabinî ve, Nexweşxaneyên Silêmaniyê dergehên xwe li pêş çareserkirina wê girtin bê diyarkirina sedemên rasteqîn, û di encamê de jiyana xwe ji dest da.
Herweha bi awayekî ku bi hîç awayî nahête qebûlkirin, Di heman demê de, Mizgeftên Şarê Silêmaniyê jî termê wê ji bo şûştin û kefenkirinê wernegirt.
Di heman demê de, hejmarek ji pêşmergeyên Herêma Kurdistanê û partiyên Rojhelatê û sivîlên bêguneh şehîd bûne, ji encama êrîşên tund yên ji aliyê rêjîma Îranê û paşmayên wê yên terorîst ve li ser Herêma Kurdistanê.
Di demê ku Yekîtiya Nivîskarên Kurdistana Sûriyê serxweşiya xwe pêşkêşî Hevpeymaniya Hêzên Kurdistana Îranê û bo Herêma Kurdistanê û bo malbatên Şehîdan dike, hevdem van êrîşên terorîstî şermezar dikin, ku sivîlan armanc dikin û dibine sedemê zêdebûna ne aramiyê li ser Herêmê.
Herweha em bang dikin bo Gelê Kurdistanê ku digel Hevpeymaniya Hêzên Kurdistana Îranê û ligel Herêma Kurdistanê bibin alîkar û palpişt li hember zordarî û siyaseta stemkarî ya rêjîma Îranê.
17.04.2026
Nûneratiya Yekîtiya Nivîskarên Kurdistana Sûriyê li Europa
Şîrove (0)