Çav li rê me


Ebdilmecît Şêxo
Eger tarî li te
                         barî
Ezê hemû pêçiyên
                         destên xwe
Ji te re bikim
                            findên sêrengî
Eger tarî li te
                           barî
Ezê herdu sêvan
                  di buhuşta sînga xwe de
Di giyanê te de
                   bikim çirayên vêketî
Lê ez  çav li rê me.
                xxxxx
Carekê li ezmên binhêre!
Stêrka Gelawêjê  jî
Mîna min pir rindik e
Lê ez hîn sazên tiktikên
                            dilê te
Mîna şîhîniyên hespên rewan
Û pêlpêlokên ava Dicle
Li bin sersiyên darên zêtunê
                           Û darên henaran
Di xewnê de jî dibhîsim
Binhêre Memo!
Çavên pîkên daran
Li ber ronahiya Rohêvê
                 teng dibin
Lê ew ranazin
Ew ji min re
Çîrokên hevalên serjêkirî
Li teşiyê dixînin
Lê dîsan
Ez  çav li rê me.
Stêrkên din jî
Şîlanên çiyayê Lêlunê
                              Maç dikin
Lîlava Hawarê vedixwin
Û gerdenên gangilîkî
Diyarî min dikin
Gabelekên deştên me
Ji ganglîkên dilên jinan re
                                     distirên
Lê ez çav li rê me.
Were !
Di bin sîtava herdu
                       henarên min de
Dîsan palvede
Min sêwî mehîle  
Were!Were!Were!  
xxx
Efrîn,21.07.2020

شارك المقال :

Leave a Reply

Your email address will not be published. Required fields are marked *

اقرأ أيضاً ...

Salih Cefer



Qedexebûna zimanê kurdî bi salên dirêj bû sedema paşketina hemû cûreyên wêjeya kurdî û bi taybetî jî ya zaravayê kurmancî.
Tevî ku di van salên dawî de li gelek alîyên Kurdistnê rewşa wêjeya kurdî (kurmancî) bi pêşve çûye jî, lê hîn pêwîstîya bi pêşveçûnên bêtir heye.
Kanîyên pêveçûnê pirin, yek ji wan…

Ebdûlazîz Qasim

 

Ji demê hatina Ehmed El-Şerih li ser desthilata Sûriyê, piştî hilweşîna rejîma Esed di 8ê çileya sala borî de û heta îro, bi carekî rewş û rastiya Sûriyê ya civakî, cugrafî, siyasî, etnîkî û olî tê paşguh xistin, bi taybetî hebûna gelê Kurd bi carekî tê paşguh xistin, her bigire…

Amadekirin û kurmacîkirina tekstên stiranan: Ednan Bedreddin

 

Mezher Xaliqî yek ji navdartirîn hunermendn kurd ên sedsala bîstan e. Ew di sala 1938 an de weke zarokê malbateka kurd a oldar li Sune (Sanandaj) hatiye jiyanê. Behremndiya Xaliqî di warên goranîgotin û werzişê de ji salên dibistana seretayî ve derketine pêş. Her di…

Ebdûlazîz Qasim

Di dîroka navçeyê de, hîç erdnîgariyek bi navê Tirkiyê nîne, û deweta Tirkiya li ser sextkariya dîrokê û talankirin, qirkirina Kurd, Ermen û Yonaniyan û herwiha li ser dagîrkirina beşeke mezin ji xaka kurdistan, Yonanîstan, Qubirstan û Ermenistanê hatiye avakirin.

Projeyên Tirkan her ji destpêka xwe ve û heta…