Seyid Feysel Moctevî
mojtavy@hotmail.com
Kesk poşe,golfiroşe dayika berxê welat
Roj roşen kir ji malê ?ev bi nîvê?ev helat
Bilbilan mizgîne yarê lev tejî denge welat
Laleyên van dol û deşta bo weten bûne xelat
Rabe neynûka sibê da mêzeke çavên welat
Da ku horî cennetê da bibne bêreng û devat
Xiletê nû bê bedîlin sor û zer,keskên welat
Lev bi hesret her dimînin têl û derzî û xeyat
Raste,rengîne bihare seyid ez goriya welat
Ez bi avata welatim min çi gel noql û nebat
Dayika şîrîn,kula dil,ax û derdê min,welat
Bûme zindanî û girtim falika min her nehat
Min bi azadî divêtin ceşjn û pakûbî welat
Devletek kurdî bi mîr û prçem û burc û kelat
Ger çi bêhna vê biharê tê ji dîvarê welat
Lê xerîbim dûri malê nabe bo min ev berat
Ger bi azadî nefeskê ez bikêşim tev welat
Dê zivistanê gulên sor bêneder bikne xebat
Seyida bêhna gulê sor bo mi jehre bê welat
Ez musafir pêkî pêxas ka mire bang û selatş
———–
Seyid Feysel Moctevî
Sine 2007-04-18
Helbest : xezel
Wezn : Failaton Failaton Failaton Failon
Behr : Remel Musemen Mehzûf
