Dilê Amûdê
Her milletek bi şêweyekî kar û xebat dike û her wiha jî pîvanên xwe dike , kar û xebata gellan her dem bi pêş de diçe , yan jî pêdivêye ku pêş ve biçe , gelo ev pêşveçûn wê çawa bête pîvan ?.. û ji hêla kê ve giringe ku were pîvan .Weku tête nasîn ku rewşenbîr û konevan di nav hemû milletan de serkêşê gellê xwe ne û em milletê Kurd jî di cîhan de milletekin, her wiha jî rewşenbîr û konevanên meyî jîr û zîrek hene wek hemû gellê cîhanî , li gel vê nerînê pêdivêye ku konevanên me yên berpirsyar li vê kurtepistê bi dile û sîngeke fireh û bi guhekî dengbihîz , guharbikin .
Her ku temenê jiyana tevgerê pêşde diçe wilo jî temenê jiyna xortan pêşde diçe, herweha jî raman û zaneyariya nifşên tevegerê yê nû .
Eger hûn serkêş û birêvebirên partiyên Kurd bi vî şêweyê ku ta nuha berdewame ,ev şêweyê zilamtiyê û koletiyê û avêtina zanyaran û rêjibergirtina têgihîştên zanyar û desthilatdariyê û sitandina biryarên kesane û her wiha nakokî û dijberiya we xwe bixwe , di baweriya min de wê demek bê ku hûn tu kesê zana û zanyar ne li dora xwe û ne di tevgera kurdî de, nabînin .
Her dema ku kongireke partiyekê pêk têt, em dibînin nav ew navin, çi sekretêr û çi komîta navend , û yê mayî çiqa jîr û zanyar bin her di cihê xwe de dimînin, çi di komîta herêmê de û çi di di şaxan de ,.. pirsek xwe diyar dike , gelo dayikên kurdan ew nav anîne û westiyane , nema dikarin tu navên dîtir bînin , gelî hevalên berpirsyar :
Rê bidin xortên nûhatî,yên zana , rê bidin zanyarên demê , rê bidin kurdayetiyê , rê bidin hev û rê bidin xwe . bese ev girêdana bi kursiyê ve, bese nakokî , bese dijîtî , bese koletî, bese zilamtî ,
Gotina dawî :
Eger karê me wisa berdewam be bawer bikin wê partiyên Kurd biştî demekê bibin bi qasî we endamên komîta navendî .
Rojnameya deng Hejmar (79)
Şîrove (0)