Mehmûd Badilî Îroj em ber bi qonaxeke dîrokî nû ve diçin, wek xewnekê ye, tev ku ev qonax hîna rûdêmên wê baş xuyanebûye, çiku hîna şoreş lidare, û hêzên siyasî yên ku doza guhertinê dikin ta nuha hîna pirojeyeke siyasî berfireh û ronî li ba wan peydanebûye derbarî gelek pirsgirêkên siyasî, rewşenbîrî û komelayetî yên girêdayî bi rewşa miletê Sûrî, û rewşa miletê kurd bi rengekî taybet.
Belê şoreşa milet lidare, şoreşa rûmet û azadiyê dijî rêjîma zordest û xwînmij, şoreşeke evsaneyî, destaneyî û aştiyane ye li hember top û tangên rêjîmê ku gelek têgeyeşte û pîvanên siyasî û civakî û rewşenbîrî bi alî guhertinê ve ajotiye, hema yek ji va guhertinan dema miletê Sûrî bi yek hest û dengî bandike miletê Sûrî yeke, ev yek nîşaneya guhertinek mezine di mejiyê siyasî de, ji xwe serkeftina şoreşê di vê yekê de, digel ku rêjîmê bi xwe ji destpêka şoreşê û ta nuha jî dixebite bi alî bikaranîna siyaseta ji hev cudabûn û ciyawazkirina netew û navnetewan.
Lê rêjîm di vê yekê de ta dawî biserneket, mixabin rikberiya Sûrî jî bi hemî hêzên xwe, sûde wernegirtin ne ji ezmûna şoreşên welatên dîtir û ne ji şoreşa miletê Sûrî bi xwe, wisa gelek nakokiyên dîrokî û siyasî hîna lidarin, nemaze helwest ji pirsa miletê kurd di hindirê Sûrî de, û çareserkirina vê pirsê bi rengekî dadî li gorî rêz û rawaz û yasayên cîhanî, û xala dî girêdayî ye bi Sûriya nû ve dê sîstema desthilatdariyê wê bi çi şêweyî be.
Lê rêjîm di vê yekê de ta dawî biserneket, mixabin rikberiya Sûrî jî bi hemî hêzên xwe, sûde wernegirtin ne ji ezmûna şoreşên welatên dîtir û ne ji şoreşa miletê Sûrî bi xwe, wisa gelek nakokiyên dîrokî û siyasî hîna lidarin, nemaze helwest ji pirsa miletê kurd di hindirê Sûrî de, û çareserkirina vê pirsê bi rengekî dadî li gorî rêz û rawaz û yasayên cîhanî, û xala dî girêdayî ye bi Sûriya nû ve dê sîstema desthilatdariyê wê bi çi şêweyî be.
Bêguman dê şoreş biserkeve, û guhertin dê cîbicî bibe, çiku ev yek bi vîn û viyana mletekî ve girêdayîye, lê metirsiya mezin ku ta nuha hin hêzên siyasî di çarçewa rikberiya siyasî ya Erebî û kurdî jî de, bi mejîkî siyasî girtî danûstandinê bi şoreşê re dikin, bi siyaseteke doxmatîk, weku ew tenê li meydana xebatê hene, ramanên wan xwedayîne, guftûgo li ser çênabe, wisa rengê siyasetên rêjîmê bi xwe bikartînin derbarî milet û kargêrkirina aloziyan, bêguman konevanî bi vî rengê ha qet nema tê qebûlkirin, divê ku ev hêzên wisa diramin û bi oflazî danûstandinê dikin, xwe biguherin, û şêweyê demoqratiyê derbarî hemû aloziyan bikarbînin, û şoreşekê di kiryar û mejiyê xwe yê siyasî de lidarxin.. Ma şoreş ji bo çi ye, ku hemû kiryar û ramanên kevneperist û paşketî, neyin binaxkirin, û têgeyeşteyên şaristanî û sivîl û serbest û demoqratî bi ser nekevin..?.
