Xelîl kaloJi mêj de ev gotin hatiya bi karanîn û cîbecîkirin ser destê kotekan û bê wicdanan , ji wan şahînşah , mîr û serdest û xanedan û bijartiyên wê çandê , ji lewma jî dibêjin ku dinya ser milên feqîr û hejaran hetiya avakirin ,û heta roja îro jî ev kar , çanda kotekî û keysbazî berdewame . hin pê diçine jor û dibin xwedî mal , nav û tac , .û hin dimênin jar û êzingên jiyanê .ev felsefa û nîzîkbûna mirovan di gel hev vê ne wekheviyê û arîşên herî aloz di dinava civakan de di afirînin û di bine sedema herî mezin bi paşketina wan de , û dibe egera ne tebatî û ne hedana dinya mirovan bi tavayî .
Em kurd jî heta roja îro derbdayî û ketiyê vê çandê ne, her weke ku em dibihîzin yan jî di bêjin ku em li ser hev wekî gel û millet xwedî dozekê ne yan jî çarenûsa me digel heve , lê li ser erdê û di kar û xebatê de ew gotina ku li jor me gotî ne rast tê bi karanîn û bi awakî dîtir û berûvajî tê bikaranîn û jiyana meyî kurdewarî bi rêve na çe weke tê xwestin .eger rewşa me ne bivî awayî berdewam bûbane , wê halê me ne bê pirgal û paşketî bane, û em jî weke gel û netewe di rewşeke baştir debane . ev nakûkî û aloziyên exlaqî û wicdanî wê ne çand û rêbaz bane ji bijartî û serwerên mere . hingî merov di karîbû bibêje ku egera sereke ji paşketina mere xelkê xerîbin û ji ber hêz û zordariya wan ,lê ev şîrove û texmîn heta radeyeke bilind ne raste .ji ber hemû tişt ber çavin û nayên veşartin di karê meyê rojane de .niha bijartiyên me kurdan wicdanê wan ne zelale û ne gelekî xembarê gelê kurdin , pirê wan tenê yên berjewendiyên xwe ne û barên xwe di dine ser milê feqîr û hejaran bi navê netewê û lawîniya xwe dikin ser êş û azar û hêviyên wan bi navê doza kurdewarî .
Xelîl kalo
19.04.2012
