Diramînim,

çima helbest nayê?
Çima dîlana min
bi awazên were nayê?
Şahî bi rijandina xwînê re dernayê?

Hawar ji ber wêrekiya fîşeka te,
li newalên ker daqûl nayê! 

Dipirsim û pirs gwîzan e; 
qeşema dilê te bi kujtina kenê min dihile?

Meger kenê min çû,
û kenê te sêwî ma !?
meger Qeregêtran
li çalê çandî ma!?
Meger nalîna Memo
li zindanê girtî ma !?
Tu olan mandel nekiriye ,
du cêwî di malzarokekê de bijîn!
Tu çiyan bêdilî nekiriye ,
kulîlk bi du xwînan bêtin vejîn.
Ez û te ji yek zikî ne,
heger dilê merov hebe
û bela ev ji min derew be:
“du zebeş bi destekî têtin rahiştin”
û heger “du serî ne mezin bin
di beroşekê de tên kelandin “

………………………………
Ji dîwana Hetav ne leylan

01.09.1997
Ezîz Xemcivîn