Nîgara şevê

 

PÎROZ

Zarokan xwe bi giryê xwe şadikirin
Di wê şeva zivsitanîde
Kadizan tola salên kor ji hev hiltanîn
Sitêrkên ko bi lewendî
Asîman di xemilandin

Li bende rijandina hev diman
Heyva bedew
Roniyaxwe daqurtand
Û xêzkên nîgara şevê
Di bejnaxwede -bi zirzî  –
Vemirandin
———————————                                                                     
Di wê şeva zivistanîde
Karwanên tirsê êrîşî kêlîkên bêdeng dikin
Sawêr pêlewanin
Bi dîwaranve radpelikin
Bê hûdetî jî xwe di bin sifrnade vedşêre
Ta xwe li jiyana belengazan rakişîne
———————————–
Çavêmin xewê ji qiraxên şevê berhevidikin
Û zîqzîqa feleqîniyên dergehê odekamin
Di mastêrka gumananre
Digindire guhêmin
Xwestekên min
Li ber bayê kur
Têne dêran
————————————–
Şev siwareke hingaftiye
Birînaxwe vedşêre
Hêdî hêdî ber bi qada
Rimbazanve diçe
Ronyeke fedyok ji bin ewran dertê
Dinav zingara moxila pencerêre
Mizgîniya sipîdeyeke nû dide
————————————-