Husên M. Hebeş
Dostaniya darekî û çemekî
Li ber çemekî
Rastî darekî kevin hat
û jê pirsiya:
Çima tu bi tena xwe
Li vir bi cih bûyî?
Got: ji çem hez dikim
û ew min tim diparêze!
Çewa?
Gava hinek bixwazin min bişewitînin
Ew min şil û terr dike
û nahêle bi hesanî bêm şewitandin.
Protesto
Hemû daran bi hev re
Protesto kirin û gotin:
Divê hemû bivir ji vir derkevin
û tevir jî bi dû wan din.
Divê diranên bêçixeyan hilbibin
û das jî ji vir winda bibin.
Divê zagonên keskayiyê bilind bibin
û bibin bingeha cîhanê
Divê hûn baş li me guhdar bikin
Baş me fam bikin.
Sîvan
Darekê du zarokên nîvtazî
Li bin baranê dîtin
Beziya
Bilez beziya
Xwe weke sîvanekê vekir
û li ser herdu zarokên nîvtazî vegirt.
Bonn 2009
