Çilroj …çil Mişalên vêketî

 
 
Mizgîn Hesko

  ji bo çilrojiya şehîd ketina Mişal Temo

Çilroj…
û çil melyon Mişalên
vêketî.
çil melyon çinarên

li ber ketî.
çilroj…
û bi melyonan 
xortên protistgêr
            serhildêr
            û şoreşgêr
ji banga te
qet venagerin
   tevde pêt in
              çiran e
              û Mişal in
 
çilroj…
û bi hezaran
Sûriyên dozê
 
darên kevnar e
           paybilind
na livin qet
li ber bager û bahozê
 
tevde…
neviyên buharê ne
piştî Newrozê
 
tevde…
bi yekdengî … ban dikin
em in tîrêjin rojê.
 
 
çilroj…
erê..
 Misalê min
xelkê genimê xwe xistin çewalan
û birin
û em palevanên reben
li nav firazeyên wan
hîn li pey bîna şimamokan
diçin
 û genimê me
îdî tijî kuleh bûye
û  agir bi zad ketiye
û bêrîvan
 tar û mar bûye
lê …..ey Mişalê min î
           şepalî …şêrîn
dîroka te
qet venamirî
xwîna te
     dilop..dilop
     sor …..sor
di damarên me de
 sincirî
 
tu …qet namirî
tu gupgupa dilê Qamişloyî
tu egirî.
 
çilroj…
û tu….
kurê Helapça û Şengal
dilrezîna Wanê
Çiraya çar çira
hêsrên kewan
fîxana bilbilan
cinge cinga şûrê
Rustemê Zal
 
hawara Ciladet
dastana Xanî
dîwana Cezîrî
li ber dilê
Barzaniyê kal.
 
çilroj
û tû.. Mişalê min
her dimînê
xêzên destên min hozanî
Mizgîn megrî…bi kovanî
 
soz û peymana me kanî
Mişal…helbest û ramanî.
 
 
 
14.11.2011 elmanya

 

شارك المقال :

Leave a Reply

Your email address will not be published. Required fields are marked *

اقرأ أيضاً ...

Şîlan Doskî

 

Çiyayên Kurdistanê di biharê de ji nû ve şiyar dibin. Piştî mehên dirêj ên zivistanê, giyayên kûvî li her derê şîn dibin, ku bi sedsalan beşeke girîng a çanda kurdî ne.

Ew ne tenê di çêkirina xwarinê de têne bikaranîn, lê ji ber taybetmendiyên xwe yên dermankirinê jî…

Tengezar Marînî

Ji bo em bikaribin pirsan biafirînin, pêdiviye em hişmendiya xwe têxin bin barê lixwevegeranê.

Vê carê bi felsefa civakî re û yek ji wan profesorên Fîlosof ên jin (Hanah Arendt

Teoriyên felsfa Civakî yên Hannah Arendt

Hannah Arendt (1906-1975) teorîzan û fîlozofeke siyasî ya bibandor…

EBDILBAQȊ ELȊ

Avdareke nȗ ȗ rewșȇn dijwar

Dem dibûre û sal li pey salȇ tȇn, sal nȗ dibin, temenê mirov jî bi xwe re kintir û kevintir dike, lȇ mirov tu carȋ ranaweste, hêvî, omȋd û dilxwazî di dil de her dimînin ȗ her ȗ her nȗjen, zindî û…

Narîn Omer

Bi çavên min te nabînin
bi lêvên min te naxwînin
Di dermafên te şaşyar in
xwe yekcarê dixapînin

Nikarim bê te jîndarbim
tenê rûnim tenê rabim
Tuyî mayîn tu jîna min
ji ber mana te vîndar bim

Li gor dana te bêzar im
li ber pesnên te bêzar im
Ziman û ev qelem jar bûn
li şûna…