Ezîz Xemcivîn
Me berê xwe daye ola dijminên xwe,
ji “Lat û Eze, ji Kevir û Xurme”
tako yasaya serjêvekirinê bi mizgînîya reş gihaye me!
Tîpa şûr zimên dibirre!
Gotina şûr koka rewiştan dibirre!
Helwesta şûr, seriyan ji dîrokê vedibirre!
Ometa şûr, destê xwediyan ji xaka bav û kalan dibirre!
Ala şûrê reş li ser sergoyên welatê dil hate hildan!
Her “Allah û Ekberekê”
Serê mirovan difirîne!
Her “Allah û Ekberekê”
Zarokan fêrî serbirrînê dike!
Her “Allah û Ekberekê”
Kalemêr û pîrejinan, genc û ciwanan binax dike!
Her “Allah û Ekberekê”
Jinspehiyan sebî dike,
kirîn û firoştina wan li bazaran germ dike!
Mîrekê şûr dibêje: “Tu sebiya min î,
ji mafê min e xweşiya xwe bi te bikim, ji lêdanê te reş û şîn bikim,
erê erê ji mafê min e, te bikirim û te bifiroşim!
Erê erê ez û birayên xwe bûn,
yên ko me dê û bavê te kujtin!
Berxikên nêr û nûhatî me ew ji dewleta şûr re hiştin!
Karxezalên çavciwan mûmên xweşiya şeva me ne!
Erê erê Gawirno!
Gawirên ji pişta Gawiran, mal û jinên we li ometa şûr helal zelal in!”
Gurgê şûrkêş xwîna li ser şûr alast û got:
noş, noş
“em ê xwîna we herdem vexwin!”
Her “Allah û Ekberekê”
Serê mirovan difirîne!
Her “Allah û Ekberekê”
Zarokan fêrî serbirrînê dike!
Her “Allah û Ekberekê”
Kalemêr û pîrejinan, genc û ciwanan binax dike!
Her “Allah û Ekberekê”
Jinspehiyan sebî dike,
kirîn û firoştina wan li bazaran germ dike!
Mîrekê şûr dibêje: “Tu sebiya min î,
ji mafê min e xweşiya xwe bi te bikim, ji lêdanê te reş û şîn bikim,
erê erê ji mafê min e, te bikirim û te bifiroşim!
Erê erê ez û birayên xwe bûn,
yên ko me dê û bavê te kujtin!
Berxikên nêr û nûhatî me ew ji dewleta şûr re hiştin!
Karxezalên çavciwan mûmên xweşiya şeva me ne!
Erê erê Gawirno!
Gawirên ji pişta Gawiran, mal û jinên we li ometa şûr helal zelal in!”
Gurgê şûrkêş xwîna li ser şûr alast û got:
noş, noş
“em ê xwîna we herdem vexwin!”
06.01.2024
Şîrove (0)