Fewaz Ebdê
Di wêneyekî bi rengê bîranînekê de
Bi tayê simbêlên sivik
û awirin li kêlekê dûûûr dinerin
Serê xwe ji nav gelemşa serdemê derxist
û lêbûrîn nexwest
Mîna ku ez li nefsa xwe dinerim
çawa ji zanîngehê derdikeve
çentak bi xwe re hilgirtye
tijî axa Niqare ye
bi ava gola Kendal stirayî
bi pelên genimê nihêla Sêremka pêçayî
û tîpên minî pêşî lê hatibin nivîsandin.
*******
Li Şamê…
Ebdulhemîd Cemo
Bêhna buhurê hendivê
Heyv bûye çardeh şevî
Li jêrzemîn bû heyecan
Der di bûn kanî û devî
Buharê xwe xemiland
Geş bûn gelî û zevî
Şînkayê merşik raxist
Rûkê erdê divehî
Simbil serê xwe hilda
Gul û bişkuj dibişkivî
Ser…
