Konê Reş
Ehmedê Huseynî, yê ku ez wî ji sala 1985an ve nas dikim.. ji bîranîna yeksaliya koçkirina Seydayê Cegerxwîn ve.. Min û wî bi hev re beşdarî di wê bîranînê de kir.. Anku dostaniya min û wê li 40 salî vedigere.. Ji 40 salî ve wî dişopînim; helbestên wî dixwînim, çalakiyên wî dibînim.. Di encam de, ez wî mîna Selîm Berekatê Kurdî nas dikim, mîna (Şêxê Helbesta Kurdî) a nûjen û bi mirîd û sofî dibînim.. Ji rexekî din ve gelo çenda wek wî Ewropa xweş li paş xwe hiştiye û hatiye nav vê qerebalixa me..? Çenda wek wî, di van salên dawî de, li Qamişlo ji dil û can xizmeta ziman û rewşenbîriya Kurdî kiriye? Di van salên dawî de, bi sehkirina ku helbestvanê gewre Ehmedê Huseynî ji ber tenduristiya xwe çûye Ewropa, Qamişlo, Amûdê û HRRKê, li ber çavên min reş bûn, bûn wek vê Bihara Beriya Mêrdînê ya îsal bê gul û kulîlk..! Û hişt ku ez hawar û hêviyên xwe ji ocaxên mala (Bavê Kal) re pêşkêş dikim, ji wan hêvî û rece bikim ku Şêxê Helbesta Kurmancî bi tenduristiyeke çak li me vegerîne.. Di nav ponijandina di rewşa wî de, ev gotin hatin ser zimanê min: Mêrdînê bi minare ye.. Amûdê bi sîneme ye.. Nisêbînê bi qijle ye.. Qamişlo di bin re ye.. Şêx Ehmed jê xewle ye.. reca min ji Xwedê heye.. vegere mala xwe ye.. bigre serê dîlanê û xweşke zimanê me ye.. li min.. li min.. li min.. li min şêxê mino..!
Qamişlo 28/5/2025
