Miguel Gane
Wergera ji almanî: Sîrwan H. Berko
Na, bêdengî te xweşiktir nake.
Tu xweşik î dema tu li ber xwe didî,
dema tu ji bo xwe dibî xwedî helwest,
dema tu bêdeng nabî,
dema peyvên te gez dikin,
dema tu devê xwe vedikî,
û her tiştê li dora te dişewite.
Na, bêdengî te xweşiktir nake.
Tu hingî tenê hinekî mirî yî.
Û ger ez tiştekî li ser te zanibim,
ew e
ku min qet,
tucarî,
kesek nedîtîye ku ewqas dilê wê/î heye ku bijî.
Bi dengekî bilind.
=============
Miguel Gane, helbestvanek ji Romanyayê ye, lê bi zimanê spanî dinivîse. Ew li Spanyayê dijî.
Şîrove (0)