Xemgîn Remo
Ez ne poşmanim
Ku min rîsê dilîniya
Bi teşiya evîna te diristin
Û mirîdê du çavên te bûm
Ey şêxa vînê …..
Di cîhanek mijokî de
Hevendekî gandêre
Di kûr geliyên bi saw de
Şopdar û bîndarê miska te bûm
Te jî bi tîrên xwe
Her xwîn dirjand ji birînê …
Erê canê , can şêrînê…
Şêrîn Ebdo
Dema ko dengê evînê dil mest bike,
êdî hest bêzar namîne..
Dema ko sawa hestan hinava min bilerizîne,
êdî henase ji hilma te têr dibe..
Dema ko dara miradan siha xwe li ser pişta nervînê vede,
êdî motika hezkirinê di giyanê min de germ dibe..
Li ber deriyê ewî bajarî,dema ko zeytûn bi silavê dilê axê xweş dike,
êdî Perwane jî…
Brahîm Mehmûd
Dûrî min bikev daku hez te bikim
Daku bêriya te bikim
Daku te berdim xeyala xwe
Daku bizanibim ku kî ye
Daku ez ji asîman re bibêjim
Çendîn tu bilindî
Daku ez ji deriyê re bibêjim
Çendîn tu kûrî
Daku ez ji darisatanê re bibêjim
Çendîn tu bi sawî
Daku ez ji çiya re bibêjim
Çendîn tu…
Brahîm Mehmûd
Gula darê ji bo min ne kuleke
Dar kula mine
Lê dema ki gul rû geş dibe
Dizanim ku dar li ser xwe ye
Geşbîn dibim
Rûbar li ber min dibawişke
ji xwe pişt raste
ku avrêjiya wî misogere
dikeve xweneke şêrîn
di himêza dada kaniyê de
Bayekî hênik xwe li min digreDi laşê min de dilorîne
Ev çi giyanekî dilovan
Ku çûkê beytik…
Xizan Şîlan
bextewariya min
mîna avhewaya demsalan e
carna
diqefilim û dicirifim
germ û dişewitim
nerm û hişk dibim
sar û dicemidim
carna
şîrîn û tehl dibim
ciwan û kal dibim
bi hêrs û sakîn dibim
dilteng û bêhnfireh dibim
carnawek stêrkên asîmana sayî
diçirisim
wek fenera bêfîtîl û perpitî
vedimirim
di hestên pûç de têm guvaştin
ez
wek talaz û qûma çolistaneke
ziwa me
ji xumexuma kaniya zelal
rondikên çavên melûl
diherikin
nava dilê…
Mizgîn Hesko
*Ji bo bîranîna komkojiya Ermeniyan.
Wê gavê…
Perên pelatînkan
Di paşila mijê de!
Ji janê û ta destên janê
Mijê…
Tevnên bêdengiyê ristibûn…?!
Di nav mijankên pîrka min…Rojeke veşartî…
Û di qermîçonkên rûyên azirandî de
Rêlistanên tî…!
Û çavên hêviyê
Şînok…
Û vemirîbûn.
Hin di rê de
Di himêza dêwê de
Û di pêla mijê de Pelatînkan…
Bişirîna lêvên xwe
Gund û şarên wêran Erxewanên serveqetandî
Û neçar…
Xwe…
Şêrîn Sado. Parîs
Dema siruşt bi hatina
Bûhara nû ve
Girnijî
Kirasekî gulgulî
Li bejna bilind
Hejî
Xuncên şahiyê
Di damarên dil de
Vejiyan
Û ji gulşana
Hest û nestan
Nameyên mawerîBi ser giyanê giyan de
Weşîyan
Jîndar dibûn
Di bexçê dilan de
Kulîlkên çilmisîn
Vedibûn
Ew Asoyên xewnerojan
Ku bi
Reşbûna azariyan
Tarî bibûn
Hêdî hêdî
Ji tariyê
Rizgar dibûn
Lê qedera xapînok
Wekî pirên caran
Bûhar li min kir
Zivistan
Li ber ba…
Klaus Grothe
Wergerandin Ji Elmanî: Tengezar Marînî
Payîz jidil e.
Û dema pel diweşin,
Dil jî dikeve nav xemgîniyek bi êş de.
Hêwan bêdeng e,
Û têperî başûr bibin
Dengbêj, lal, mîna g di gorê de.
Roj reş e,Û perdeya mijên zer
Roj wek dilan.
Şev zû tê:
Êdî hemî hêz şahiyê dikin,
Û hebûn kûr girtî dimîne.
Mirov nerm dibe,
Ew dibîne ku roj diçe dadikeve,
hest bi dawiya…
Brahîm Mehmûd
Ez dikenim bi te re
Asoyekê lihevhatî
Bide min
Daku asîmanekî bilindî bilind dime te
Hemî steyrikên wî
Bi navê te ronî dibin
Ez destê xwe didime teDaku te himêz bikim
Dilê xwe ji min re veke
Daku welatekî aram ji te re tapo bikim
sînorên wî xweşiya te ye
Ez bi çavê xwe dikivim seqaya çavê te
Daku bibim nişteciyek li ser…
Brahîm Mehmûd
welatê ku xwîna min bike av
min Kewsera wî navê
welatê ku dengê min neke
min zimanê wî navê
welatê ku li min nenêre
min asoya wî navê
welatê ku min dorpêç bikemin mizgîniya wî navê
welatê ku min bi nav neke
min dîroka wî navê
welatê ku min dike koleyê ayina xwe
min xwedayê wî navê
welatê ku roja…
