Rengekî bêhinvedayî ji bêdengiyê

  Gulnar Eli

Were yare:
Bi çavên xwe bibîne
buhar,
buhareke renga-reng e,
li me dibare
Bêhna dastanan erdê dimije
Awaz, vînê distrînin
Parçeyên xewnan,
xunava li ser belgan.
dengê dilan pir e.

Were:
– Bila bayê serberdayî me mest bike.
Di govenda ewran de, em bikelin
li karwanê şevê siwar bin
Were..
Tu û ez
ava deryayeke neperzinandî ne.
Duhî nabe evro

Were:
– Destên me rêka kadizan e
Nîşana sozan e
Şahiya dilan e
Were..
Bêdeng
Yar î tu û dimînî

Were:
– Zinarekî serxweş ji xunavê
Çavên te şêt,
bajarekî şikestî
çipikên leylanê
û bejnek kevok

Were:
– Guleke nû puşkuftî ne destên te
Di mistên salan
hilperînekî
culankên xeweke sermedî ne destên te
Were..
daku ji êk hez bikin..