Pirsgirêka kurdî piştî 4 saliya serhildanê!!!

Her kes dizanê ku miletê kurd di vê serhildanê de nemerdî nekir, hemû beşdarî gernasiyê bûn û yekîtiya kurdî diyarkirin di rojên teng de, lê li aliyê din bizava siyasî kurdî ne dûr bû ji van bûyeran û ji nişkê ve xwe dît dinav vê Tsonamiyê de, tevî ku ew ne amade bû ji vê avjeniyê re, lê wan xwe pêve gihand û serkêşiya rojên pêşî kirin û berpirsiyar bûn li pêş gel ta radeyeke baş, lê çima ev pêvejo berdewam nebû??
Bi rastî ev gava mezinî-pêlewanî di vê rojê de, tu carî ne ketibû roznema tevgera kurdî de û ne di xewna de jî bû( lê bû rastiyek), pilan û programên tevgerê ne amade bûn ji van bûyerên mezin re, lewre zabûneke ne xuristî bû ji rexê bizavê ve. Îro roj gava em vê rewşê bixin bin lêkolînê de, em dê zanibin bê çima bizava me vegerihaye wê qunaxa berî serhildanê, tevî ku dengvedana pirsa kurdî bi gelekî xuyatire ji rewşa bizavê, û wê nikarîbû xwe biguherê di van her çar salên dawî de û xwe li gor astê wê dengvedanê( bi kêmanî ), bi pêş ve herê û lêvegerekê ji xwere çêbike û li ser kar û kêmasiyê xwe rawestê.
  Raştina barê netewî-siyasî, erkekî pir bilind û girane, pêwîste ku partiyên kurdî li ser vî tiştî agahdarbin û li gor vê berpirsiyariyê bin, nemaze di vê dema nû de ku her tişt li ser bingiha zanînê tê avakirin û pilan û stratîcî ji paşerojê re tên danîn. Loma ku ji bizava kurdî tê xwestin ku li gor demê be, û li gor daxwaza miletê xwe be, û berî her tiştî pêwîste ku ew hemû jî xwedî xwendinek siyasî zelal bin ji bo daxwazên serekî ji pirsgirêka kurdî di Sûriyê de( tevlî hemû texlîtên partî û cudabûna wan jihev), çend xal û daxwaz hene ku em hemû xwedî rayekê bin li ser wan û pey wêre bere çend rengê partiyan jî hebê nabe problêmek mezin. Yekîtî pêwîstiyek giringe di roja îro de eger em bixuazin pirsa netewî kurdî pêş bixin û sûde bigrin ji van rewşên nû û pare me jî hebe dinav destkevtiyên demên ku tên de ta ku em poşman nebin li ser van fersende.