((piştî têkveçûna şoreşa Agirî Bi serkirdaytiya Ihsan Nûrî Paşa di sala
1930 î de , dewlaeta Tirk 100xort ên
Kurd î zana û rewşenbîr bi saxîtî avêtin
Binê Gola Wanê , piştî ku ew girêdan û
Xistine çewalan de …….
Gereke em jibîr nekin ! ))
Besam Mistefe
Li Gola Wanê
Rojekê
Sed gul şîn hatin û biser avê- ketin…
Sed kevokên rengsipî ji binê avê derketin û
Bi firê ketin ;
Di devên wan de , ken û soz û stran
Hebûn …
Li Gola Wanê
Rojekê
Sed pertûk şîn hatin
Sed pênûs û
Sed defter .
Sed dibistan û
Sed zanko , ava bûn .
Rojekê
Sed pertûk şîn hatin
Sed pênûs û
Sed defter .
Sed dibistan û
Sed zanko , ava bûn .
Li Gola Wanê
Rojekê
Sed evêndar gihştin yarên xwe
Ferhad , Şêrîn xwest û
Mem , Zîn guhast û
Li Sîpanê Xelatê
Xec û Siyamend bi hev re bûn
Dest bi dest .
Rojekê
Sed evêndar gihştin yarên xwe
Ferhad , Şêrîn xwest û
Mem , Zîn guhast û
Li Sîpanê Xelatê
Xec û Siyamend bi hev re bûn
Dest bi dest .
Li Gola Wanê
Rojekê
Sed şahînet li dar ketin
Ji sed zava yî re
Rojekê
Sed şahînet li dar ketin
Ji sed zava yî re
Li gola Wanê
Rojekê
Av sor bû
Av xwîn bû
Av rondik bûn …
Rojekê
Av sor bû
Av xwîn bû
Av rondik bûn …
Li Gola Wanê
Rojekê
Bi rengê sor û
Bi sed dest î
Bi dest ên sed xort î
Wisa hatibû nivîsandin :
((Kes nebê Kurd dimirin
Kurd jîn dibin
Jîn dibe qet nakevê
Ala Kurdan))
Rojekê
Bi rengê sor û
Bi sed dest î
Bi dest ên sed xort î
Wisa hatibû nivîsandin :
((Kes nebê Kurd dimirin
Kurd jîn dibin
Jîn dibe qet nakevê
Ala Kurdan))
Li Gola Wanê
Rojekê
….û li kêleka ava birîndar ,
Dengek bilind dibû
Her dem û her gav
Bi şev û roj
Dengê sed ronakbîr î
Sed zava yî
Sed gulên fihtok ,
Dengê sed pakrewanî
Bilind dibû :
Em Kurd bûn
Em Kurd in
Em dê Kurd bimînin !
Rojekê
….û li kêleka ava birîndar ,
Dengek bilind dibû
Her dem û her gav
Bi şev û roj
Dengê sed ronakbîr î
Sed zava yî
Sed gulên fihtok ,
Dengê sed pakrewanî
Bilind dibû :
Em Kurd bûn
Em Kurd in
Em dê Kurd bimînin !
* * *
