Hevalbendê DDKO-yê, Parêzer û Kurdê Anadoliya-navîn Cemal Beydogan Çû Dilovaniya Xwe..

Îbrahîm GUCLU

Roja 31. 08. 2007-an ji bo kurdên anadaoliya-navîn bû rojeke tarî, şîn û xemgîniyê. Lewra kurdên anadoluya-navîn, kesê mirovhez û dilfireh,  serokeşîr,  hevalbendê DDKO-yê, kurdekî xwezayî, parêzer Cemal Beydogan wenda kir.
Cemal Beydogan di 22-ê Sibata 1938-an de li Kirşehirê hate dinyayê. Dema ku min di sala 1967-an de dest bi zanîngeha hiquqê kir, ew di zanîngeha hiqûqê de xwendevanekî bi qidem/biemr bû. Herkesî ji wî re “axa-cemal” digot. Ew di maleke mezin û dewlemed de hatibû dinyayê. Ji bona vê ew kesekî ji aliyê pereserfifkirinê de destbelayî, xêrxwaz û palpişt bû.
Ew ne aktivîstekî kurdîtiyê bû, lê ew dilsozekî baş, piştgirekî gelek kêtûm, dilşewatî bû.
Wî piştî gelek salan zanîngeha hiqûqê di sala 1970-yî de qedand û li Kirşehirê dest bi parêzerî kir.  Ew di karûxebatên parêzerî de jî dihat hez kirin.
Ew dema beşdarî civatekê/cemaatekê  dibû, ew civata/cemaata bi henekên wî dikeliya, şên dibû. Herkesek bi beşdariya wî ya civatê/cemaatê şad dibû.
Ew, xwediyê ruhekî edebî bû. Ew şairekî mûtewazî bû û digot ku “ez ji bo xwe helbestan dinivîsim.” Ji bona ku mirovekî di nav xwe de aş bû, mirov ji helbestên wî  jî zewk hildianî.
Di sala 2005-an de bi navê “min gundê xwe bîrakiriye” pirtûkeke wî ya helbestê çap bû.
Min îro dema ku têlefonî hevjîna wî parêzer û hevala min a hêja Perîxanê kir, ew him gellek xemgîn bû û him jî gellek kêfxweş bû. Çimkî wê digot ku “nûha li taziya biramezinê te Cemal Axa şolen heye û her seetekê bi sedan kes beşdarî taziya wî dibin.”
Biramezinê me Cemal Beydogan layiqî ew helwest û şolenê ye.
Ez, beriya damezirandin û piştî damezirandina HAK-PARê çûm seredaniya wî. Ew gelek kêfxweş bû. Min bi wî re derfet dît ku careke din rojên bihurî, rewşa kurdên Kirşehirê, eşîretên Kirşehirê qise bikim. Min, di wan axiftinên wî de  careke din kûraniya zanyaria wî tespît kir, ez bi wî serbilind bûm.
Bila serê malbat û hevjîna wî, gelê kurd û dostên wî sax be. Kurdên Anadoluya-navîn û hemû kurd dê wî bîra nekin.

Amed, 01. 09. 2007

شارك المقال :

Leave a Reply

Your email address will not be published. Required fields are marked *

اقرأ أيضاً ...

Nivîskar Konê Reş pirtûka “Cizîra Binxetê û Jîyana Rewşenbîrî” li Qamişlo imza kir. Roja duşembê 10.02.2025 Yekîtiya Rewşenbîrên Rojavayê Kurdistanê (HRRK) li bajarê Qamişlo merasîmeke îmzekirina pirtûkê bi navê “Cizîra Binxetê û Jîyana Rewşenbîrî”, ya nivîskar û helbestvanê kurd Kunî Reş li darxist.
Konê Reş rewşenbîr, nivîskar û helbestvanekî kurd e, di sala 1953an…

Zagros Osman
Endamê Desteya berê ya Aqilmendan û Serokê Navenda lêkolînên stratejîk û şêwirmendiyê Abdurrahîm Temel bû mêvanê kenala Rûdaw TV û ji bo pêvajoya nû a di navbira Tirkan û Abdullah Oçalan de Rêberê Partiya Karkirên Kurdistan PKK yê girtî axivî, û diyar kir ku 6 Vîdeoyên Oçalan hene, di destên Dewletê û DEM…

Konê Reş

Rêwiyo!

Kes weke min

Sikak û kolanên

Bajarê min nas nakî;

Ez dizanim

Kîjan meyxane li kû ye

Kîjan çayxane li kû ye û

Kîjan bazarxane li kû ye..

Tariye..

Tariyê bi ronahiyê

Naguherînim

Ez kiryarê ronahiyê…

Xizan Şîlan

her şev

hestên min yên tevzînok

di nalîna stranên keserkûr de

mest dibin

qedera sersem

li nav qermîçokên eniya min

konê xwe vegirtiye

bêşansiya salên kambax

xwe li stûyê şadiyên min

alandiye

ji asîmanên bihara rengîn

xwelî…