Lazgînê Dêrûnî
Bilbilê wek min dinalî derd û kul
Tek dijî tu bê heval û bax û gul
Ka dilê şadî gelo ka ew fîxan
Ez dizanim kû li me gerya zeman
Dem û dewran pir gerandin liv û ger
Çerxekê em dûr revandin derbider
Ew qeder çawa ji nişkê ser me hat
Va ye wê em tev pekandin der welat
Bilbilo ka wer bi min ra bib heval
Da bibêjim bo te êş û rewş û hal
Pêncî salên min temam bûn ez li gund
Qedrû qîmet tim bi rûmet serbilind
Va bû deh sal ez xerîb im bê xwedî
Rojeka xweş keyf û şahî min nedî
Xweş bizanin bê welat nîn e jiyan
Laşekî bê hest dimînê bê giyan
Şîrove (0)