Şêrîn Ebdo
Dema ko dengê evînê dil mest bike,
êdî hest bêzar namîne..
Dema ko sawa hestan hinava min bilerizîne,
êdî henase ji hilma te têr dibe..
Dema ko dara miradan siha xwe li ser pişta nervînê vede,
êdî motika hezkirinê di giyanê min de germ dibe..
Li ber deriyê ewî bajarî,
dema ko zeytûn bi silavê dilê axê xweş dike,
êdî Perwane jî dê sîngûberê buharê biramîse..
Li sivdera ewî bajarî,
xunceya dilrevîn dibişkive û min ji te hez kir..
Ez û te û zeytûn bi axê re hevpar in..
Ez û te bi berbangê re di çavên arî de hilhatí ne..
Êdî ez û te û ewî bajarî,
şaristaniya evîneke pîroz in..
Êdî li ewî warî,
ez û te dê azad bi yek rewanî bifirin…
êdî Perwane jî dê sîngûberê buharê biramîse..
Li sivdera ewî bajarî,
xunceya dilrevîn dibişkive û min ji te hez kir..
Ez û te û zeytûn bi axê re hevpar in..
Ez û te bi berbangê re di çavên arî de hilhatí ne..
Êdî ez û te û ewî bajarî,
şaristaniya evîneke pîroz in..
Êdî li ewî warî,
ez û te dê azad bi yek rewanî bifirin…
04.04.2024
