NE TIRS E


Ehmed Tahir

Ji min ne tirs e
Li min bipirs e
Xwîna me yek e
Yek rê û ders e
Dilê xwe vek e
Jin min şerm nek e

Kulê xwe bêj e
Tu li min fek e
Dûrî min neb e
Bi hev re teb e
Derdê me yek e
Neha û sib e
Çîrok dirêj e
Bi kurtî bêj e
Çi li cem te ye
Dil ne birêj e
Dev bir û anî
Dest hilda banî
Sed keser kişand
Got:xweda kanî
Wek volqan teqî
Bi dad û heqî
Bi dengê bilind
Got:ez im şeqî
Hemû kor û ker
Va bûne rêber
Nezan û gemar
Kole û qeşmer
Me xwîna xwe da
Ser me bûne ga
Malê me dixun
Em jar û geda
Sed pilan û fir
Bi qîran û qir
Ser me dilîzin
Bi zûrzûr û zir
Bûye sekretêr
Bi tûrik û têr
Kursî bernadî
Tev pere û zêr
Bûye serkirde
Bi qîl û perde
Bê mêjî û hiş
Di rengê qirde.

شارك المقال :

Leave a Reply

Your email address will not be published. Required fields are marked *

اقرأ أيضاً ...

Tengezar Marînî

Ji bo em bikaribin pirsan biafirînin, pêdiviye em hişmendiya xwe têxin bin barê lixwevegeranê.

Vê carê bi felsefa civakî re û yek ji wan profesorên Fîlosof ên jin (Hanah Arendt

Teoriyên felsfa Civakî yên Hannah Arendt

Hannah Arendt (1906-1975) teorîzan û fîlozofeke siyasî ya bibandor…

EBDILBAQȊ ELȊ

Avdareke nȗ ȗ rewșȇn dijwar

Dem dibûre û sal li pey salȇ tȇn, sal nȗ dibin, temenê mirov jî bi xwe re kintir û kevintir dike, lȇ mirov tu carȋ ranaweste, hêvî, omȋd û dilxwazî di dil de her dimînin ȗ her ȗ her nȗjen, zindî û…

Narîn Omer

Bi çavên min te nabînin
bi lêvên min te naxwînin
Di dermafên te şaşyar in
xwe yekcarê dixapînin

Nikarim bê te jîndarbim
tenê rûnim tenê rabim
Tuyî mayîn tu jîna min
ji ber mana te vîndar bim

Li gor dana te bêzar im
li ber pesnên te bêzar im
Ziman û ev qelem jar bûn
li şûna…

Rêber Hebûn

Dîwana Sîmirbazî bi şêweyekî zanyarî û wêjeyî hatiye nivîsandin ji aliyê helbestvana Kurdistanî Kubar Hawar.

Ev pirtûka wê ya dûyem e ji weşanên Şilêr e, pirtûk ji 130 rûpelî pêktê, bêgûman ku ev mijar dewlemend e bi raman û şîrovekirinê ji pêşî bi nîşana Sîmirbaz ve destpê…