Mizgîn Hesko
Çi spêdeyeke xembar û mijgirtî bû
Gund û şar
Kolan bi Kolan
Di pêlên bêdengiyeke domdar de.
Xewnên…
Bi kulîlkan dagirtî
Li benda biharê…
Û carekê…
dilê zemînê lerizî
Landika textîn lerizî Ji hemû rexan…
Qêrîn û hawar
Di xwîna zarokekî sava û bêguneh…
Mirovanî gewizî…?!
Landika textîn lerizî Ji hemû rexan…
Qêrîn û hawar
Di xwîna zarokekî sava û bêguneh…
Mirovanî gewizî…?!
Ha li warê me
Zaroktî…
Û hîn di pêçeka xwe de Diseridî…?!
Ha li wir…
Û wê spêdeya sosret
Hûn…
Bendewarê refê kîjan çivîkên koçberbûyî bûn…?
Li ser têlên bi xemê rêsayî
Refê hachacîkên ber oxirê
Xwe bi ser hevdû vê
Melisandibûn…!
Gund û şar
Kolan bi Kolan…
Ey mirovên bi kulan
Û ta bê dawî avis…?!!!
Xwedanê bax û rezan
Û xaniyên…
Ku dikin, nakin
Ji wan re nabe xanî…?!
Xaniyên hilweşiyayî
ku dibin gor…
Lê nabin xanî…?!
Mirovên…
Ku li benda vegera Çivîkan bûn
Çivîkên…
Ku wê spêdeya mijgirtî
Û hîna zû
Di matmayina serxet û binxetan de
Bêzar…
Û ji hevketî bûn…?!
* 08.02. 2023. Dema erdheja mezin.
