RISTEHEYAM

Şukrî Şêx Nebî

li benda …
pêpelokên kildanê
kilçîv zuhadibûn
Ii sînga dîwanan…?
ji şewşedana…
lêvên rewanê
wate dipijiqin
mîna
xewna  şevnem û xunavan ?
ji zorezora…

xulîya awaza eyazê û omîdan
gulîbaskên sîmirgan
tên …
daf û xefka hûnanê …?
de rabe… !
xwe bi hevde
belku …
bask û baleyên sirûdan
deq û çînên xwe
ji destezora…
ba û bahozan  bigre… ?
yan jî…
bila rok
tola xwe di hêvanê
serkêla peyvande bihêle  ?
ne pêşe …
ne jî paşe…
ew reh û rehrehokên
ristezara stêrkanin
çaxa …
bask û balên
helbestên xwe didin
şahstêrka  quraxê  ?
çawan …
heyv
di çerx û dewrana
xwede dilikumê …?
parçe parçe
deng dadan û vedane …!
ez…
bi qurban
ne hêleke
û ne jî çarin
dewranê …
dergeh…
li xwe girtibû  
weku  jojîyan   !
wisabû …
ez…
bi qurban
hêl
diweşîyan ji hêlanan  ?
mîna..
soz û sazê welatekî
di binî pençezora gefa roxînan …?!