Di 22 / 10 / 1984an de xebatkarê hêja û helbestvanê mezin mamoste Cegerxwîn endamê komîta navendî ya partiya me li derveyî welêt li xerîbiyê koça dawî kir , lê li ser daxwaz , raspêrî û weseka xwe çendekê wî anîn bajarê Qamişlo û di hewşa mala wî de hate veşartin.Hevalê Cegerxwîn siyasetmedar , partîzan , û kaniya helbesta kurdî bû , û bi dirêjahiya salan ji ciwaniya xwe de heya bi kêliya dawiyê ji jiyana xwe di xebata netewî ya kurdî û karê partîzanî de berdewam bû , Herwiha ji bo zengînkirina pirtûkxaneya kurdî wî Heşt dîwanên helbestan û hin pirtûk li ser rêzimana kurdî û Dîroka Kurdistanê nivîsandin û ji gelê xwe re hiştin.
Em di Partiya Demoqrat a Pêşverû ya Kurd li Sûriyê de bi rêzgirtin li hember bîranîna (39) saliya koçkirina wî radiwestin û dibêjin : Hevalê Cegerxwîn tu namirî tê herdem di dîroka gelê xwe de bijî.
Sed silav li giyanê te ey kaniya helbesta kurdî
/ 22 / 10 / 2023 Z – 2635 K
Komîta Navendî ya
Partiya Demoqrat a Pêşverû ya Kurd li Sûriyê.
