Dil dişewitî wêranbû Maraş Gurgum

Gurkan Elhac

Gurgum Gurgumê Mereş
Deh xuşkan re mal û hewş
Bûmelerza meha reş
Anîn xwarê beş bi beş
….
Veceniqandin ji xew
Em kilandin weke dew
Bi lez hewar û lewlew
Me rizgarkir can û leş
….
Xuristê xurt gerand aş
Hêrandin kevir û laş
Girî wêran ma li paş
Qêrîn feryad gihan erş
….
Ji bîr çûn mal û mewdan
Ma derdê can û giyan
Çi maldar û çi xizan
Li hêviya rojek geş

Gel ji tirsa ma li der
Berf û baran hat li ser
Ba qerisî seranser
Kolan bûn bi kon û merş
….
Nalîn ji bin wêranê
Bendî tîmê vedanê
Semsûr(Adiyamanê)
Ban ser hevdû bûne ferş

Felek da me tûje derb
Em belabûn şerq û xerb
Di dilan de kul û kerb
Ne diyar e çi bê rewş

Hatayê Osmaniyê
Nûrdaxê Islahiyê
Pazarciqê Elbistan
Xopan bûn nav ax û gerş
…..
Dîlok Reha Xarpêtê
Edenê Amed Meletê
Dilê min kirin pêtê
Gund ketin ser gov û terş
….
Cindrês Kilis Efrînê
Herikîn çemê xwînê
Dunya bo me ket şînê
Me poşa sipî û reş

Hilweşîn koz û hêlîn
Perçiqîn text û nivîn
Valabûn kunc û kulîn
Bi erdê ve bûne tefş

Zar û zêç man bê xwedî
Mal talan bûn bê fedî
Sosreta kesî nedî
Mirov bûn dîn û serxweş

Mehşer e ne mehşer e
Xweza me re ket şer e
Çav li derî pencer e
Xan dikevin qad bi qelş

Xirbe mirov daqurtin
Mal û mulk pirte pirt in
Can bin de firtefirt in
Hindik nav de bûne kifş
….
Rijiyan zêr û para
Bûn mihvanê çadira
Ser êşa me tacira
Kirin şer û bi gengeş

Karesat e karesat
Nahilê ilm û luxat
Bûye nûçe her civat
Li cîhanê bûye gelş
….
Hinav agir diçirin
Mirî cem hev bi birr in
Wek derbika li vir in
Bendî çal û kêl û refş

Nih hezar li Sûriyê
Çil û penc li Turkiyé
Şehîdên erdhejiyê
Serê miletê me xweş

Anqara 4.03.2023
Gurgan Evde Evdela

https://www.facebook.com/Gurgan.Evde/posts/pfbid0jNphZYfTWAn42ZQgFd1SQT8iTzrthehdiJ5jnBgfC8AWpboB4nfAKse7ZHT8n6Fl

شارك المقال :

Leave a Reply

Your email address will not be published. Required fields are marked *

اقرأ أيضاً ...

Salih Cefer



Qedexebûna zimanê kurdî bi salên dirêj bû sedema paşketina hemû cûreyên wêjeya kurdî û bi taybetî jî ya zaravayê kurmancî.
Tevî ku di van salên dawî de li gelek alîyên Kurdistnê rewşa wêjeya kurdî (kurmancî) bi pêşve çûye jî, lê hîn pêwîstîya bi pêşveçûnên bêtir heye.
Kanîyên pêveçûnê pirin, yek ji wan…

Ebdûlazîz Qasim

 

Ji demê hatina Ehmed El-Şerih li ser desthilata Sûriyê, piştî hilweşîna rejîma Esed di 8ê çileya sala borî de û heta îro, bi carekî rewş û rastiya Sûriyê ya civakî, cugrafî, siyasî, etnîkî û olî tê paşguh xistin, bi taybetî hebûna gelê Kurd bi carekî tê paşguh xistin, her bigire…

Amadekirin û kurmacîkirina tekstên stiranan: Ednan Bedreddin

 

Mezher Xaliqî yek ji navdartirîn hunermendn kurd ên sedsala bîstan e. Ew di sala 1938 an de weke zarokê malbateka kurd a oldar li Sune (Sanandaj) hatiye jiyanê. Behremndiya Xaliqî di warên goranîgotin û werzişê de ji salên dibistana seretayî ve derketine pêş. Her di…

Ebdûlazîz Qasim

Di dîroka navçeyê de, hîç erdnîgariyek bi navê Tirkiyê nîne, û deweta Tirkiya li ser sextkariya dîrokê û talankirin, qirkirina Kurd, Ermen û Yonaniyan û herwiha li ser dagîrkirina beşeke mezin ji xaka kurdistan, Yonanîstan, Qubirstan û Ermenistanê hatiye avakirin.

Projeyên Tirkan her ji destpêka xwe ve û heta…